Sérstakar umræður um sóttvarnir á Alþingi í dag

Í dag fer fram sérstök umræða um sóttvarnir og takmarkanir á daglegt líf í bólusettu samfélagi á Alþingi.

Umræður hefjast klukkan 11 en málshefjandi er Sigmar Guðmundsson, þingmaður Viðreisnar, og til andsvara verður Willum Þór Þórsson, heilbrigðisráðherra.

Willum mun á morgun eftir ríkisstjórnarfund kynna afléttingaráætlun ríkisstjórnarinnar en þær takmarkanir sem nú eru í gildi renna út þann 2. Febrúar. Kynntar voru í vikunni miklar breytingar á sóttkví og smitgát fyrir þau sem eru útsett fyrir smiti.

Hægt verður að fylgjast með umræðunni hér að neðan.