Lögreglan á höfuðborgarsvæðinu lagði hald á um hálft kíló af kókaíni í síðustu viku. Efnið hafði verið sent til landsins með hraðsendiþjónustu.
Einn var handtekinn í þágu rannsóknarinnar og réðst lögregla í húsleit á höfuðborgarsvæðinu vegna málsins. Ekki var krafist gæsluvarðhalds yfir hinum handtekna.
Í tilkynningu frá lögreglunni segir að rannsókninni hafi miðað vel og sé nú á lokastigi.
