Dagur B. Eggertsson, borgarstjóri Reykjavíkur hefur sent samúðarkveðjur til Sophie Hæstorp Anderson, borgarstjóra í Kaupmannahöfn vegna skotárásinnar sem átti sér stað í verslunarmiðstöðinni Field´s í gær.
„Fyrir hönd íbúa Reykjavíkur og Reykjavíkurborgar votta ég innilegar samúðarkveðjur vegna skotárásarinnar sem átti sér stað í verslunarmiðstöðinni Field‘s í Kaupmannahöfn í gær,“ segir í samúðarkveðju frá borgarstjóranum.
„Það vekur óhug að tilhæfulausar árásir af þessu tagi eigi sér stað í samfélögum sem okkar sem byggð eru á trausti og umburðarlyndi.“
Þá segir í kveðjunni að tengsl milli Reykjavíkur og Kaupmannahafnar séu sérlega sterk og að hugur borgarbúa séu hjá íbúum Kaupmannahafnar. „Þá sér í lagi þeim sem nú eru slasaðir eða syrgja ástvini sína.“
„Á tímum sem þessum er sérstaklega mikilvægt að treysta þessar sterku undirstöður, samhug og samvinnu á Norðurlöndunum.“
