„Á dögunum gerðist hið óumflýjanlega að brimillinn Snorri sem búið hefur í Húsdýragarðinum frá 1990 kvaddi þessa jarðvist og hélt á fund feðra sinna,“ segir í tilkynningu frá Fjölskyldu- og húsdýragarðinum í dag.

Þar segir að Snorra hafi tekist að há háum aldri, en hann var alls þrítugur þegar hann kvaddi. Síðustu mánuði hafi hann sýnt skýr merki þess að aldurinn væri að færast yfir hann og fór heilsu hann að sögn garðsins hratt hrakandi síðustu daga.

Fram kemur í tilkynningu að landselsbrimlar, eins og Snorri, verði yfirleitt ekki eldri en 25 ára en urturnar, sem eru kvendýrin, geti orðið nokkuð eldri. Þær stöllur, Kobba og Særún, sem dvalið hafa með honum í garðinum eru á sama aldri og hann. Þríeykið voru því elstu dýr garðsins fædd rétt fyrir opnun Húsdýragarðsins.