Formenn innan Starfsgreinasambands Íslands harma þær aðstæður sem urðu til þess að Drífa Snædal sagði af sér sem formaður ASÍ, og segja að engin eigi að upplifa þessar aðstæður á sínum vinnustað. tilkynningu frá formönnum innan starfsgreinasambandsins.

Drífa greindi frá afsögn sinni í gær og nendi helst óbærilegar aðstæður í vinnunni, og lýsti því að hafa þurft að sitja undir öskrum annari erfiðri hegðun innan verkalýsðhreyfingarinnar.

„Jafnframt hörmum við þær aðstæður er urðu til þess að hún sá sig knúna til afsagnar. Það á enginn að þurfa að upplifa sig við þannig aðstæður á sínum vinnustað. Verkalýðshreyfingin á að vera fyrirmyndar vinnustaður og verður að koma í veg fyrir að starfsfólk hennar upplifi sig eins og Drífa gerði.“ segir í tilkynningu frá formönnum innan starfsgreinasambandsins.

Tilkynningin gengur að mestu út á að þakka Drífu fyrir sín störf.

„Drífa hefur verið róttæk, sýnileg og fylgt áherslum Alþýðusambands Íslands mjög vel eftir og verið hreyfingunni til sóma á allan hátt. Hún er ósérhlífin, vinnusöm og með ótrúlegum styrk hefur hún átt stóran þátt í brjóta ýmsa múra sem hefur skilað sér m.a. í bættum lífskjörum, einkum þeirra sem minnst hafa, auknu jafnrétti og betra samfélagi.“

Yfirlýsingin er stíluð á eftirfarandi einstaklinga Arnar G. Hjaltalín, Björn Snæbjörnsson, Eyþór Þ. Árnason, Finnbogi Sveinbjörnsson, Guðmundur Finnbogason, Guðrún Elín Pálsdóttir, Halldóra S. Sveinsdóttir, Hrund Karlsdóttir, Magnús S. Magnússon, Vignir S. Maríasson, Þórarinn Sverrisson