Innlent

Segist ekki hafa átt frum­kvæði að fundi með Mið­flokknum

​Ólafur Ísleifsson, nú óháður þingmaður, hafnar fullyrðingum Ingu Sæland, formanns Flokks fólksins, að hann og Karl Gauti Hjaltason, sem nýverið var vikið úr flokknum, hafi haft frumvæði að hittingi þeirra og fjögurra þingmanna Miðflokksins.

Ólafur Ísleifsson kannast ekki við að hann og Karl Gauti hafi óskað eftir fundi með Miðflokknum vegna áhuga á flokksskiptum. Fréttablaðið/Ernir

Ólafur Ísleifsson, nú óháður þingmaður, hafnar fullyrðingum Ingu Sæland, formanns Flokks fólksins, að hann og Karl Gauti Hjaltason, sem nýverið var vikið úr flokknum, hafi haft frumvæði að hittingi þeirra og fjögurra þingmanna Miðflokksins.

„Ég kannast ekki við að hafa haft frumkvæði að þessum fundi og ég get sagt að það gerði Karl Gauti ekki heldur,“ segir Ólafur í samtali við Fréttablaðið. Inga sagði í samtali við kvöldfréttir Stöðvar 2 að Ólafur og Karl Gauti hafi óskað eftir fundinum við Sigmund Davíð vegna áhuga þeirra á að ganga til liðs við Miðflokkinn. Það hefur Inga eftir Sigmundi.

Sjá einnig: Inga: Sýnir það ekki bara þeirra trú­verðug­leika?

Ólafur segir að ýmsar ástæður hafi orðið til þess að hann og Karl Gauti enduðu með þingmönnum Miðflokksins kvöldið örlagaríka á Klaustri en vill ekkert rekja það neitt frekar. Ástæðan sé þó ekki áhugi þeirra á flokksskiptum.

„Það er alvanalegt að það sé verið að segja við menn úr ýmsum flokkum: „Heyrðu, þið ættuð nú að vera með okkur“,“ segir Ólafur og bætir við að hann hafi sjálfur setið með þingmönnum annarra flokka áður, til að mynda á Klaustri, til að ræða hin ýmsu mál.

Honum og Karli Gauta var báðum vikið úr flokknum eftir að upp komst um þátttöku þeirra í samræðunum á Klaustri. Þeir hyggjast sitja áfram sem óháðir þingmenn. „Það hefur alla tíð verið mikið og gott samstarf á milli okkar [Karls] Gauta,“ segir hann að lokum og bætir við að því muni þeir halda áfram.

Athugasemdir

Auglýsing
Auglýsing

Tengdar fréttir

Hvalveiðar

Hag­fræði­stofnun svarar að­finnslum á hval­veiði­skýrslu

Innlent

Maðurinn á brúnni bæði „and­lega og líkam­lega veikur“

Lögreglumál

Lögreglunni sigað á húseiganda

Auglýsing

Nýjast

R Kel­ly á­kærður fyrir tíu kyn­ferðis­brot

Gaf lög­reglu upp rangt nafn

Kiddi klaufi og Guð­rún frá Lundi vin­sælust á bóka­söfnum

Net­verjar púa á nýja Mið­flokks­þing­menn

Rúm ein og hálf milljón í bætur í hóp­nauðgunar­máli

Mögu­leiki opnast fyrir nýju stjórnar­mynstri

Auglýsing