Frakkland

Segir tal um Evrópu­her „móðgandi“

Enn blæs köldu milli Donald Trump Bandaríkjaforseta og Emmanuel Macron Frakklandsforseta.

Trump og Macron fylgdust saman með hátíðarhöldum á þjóðhátíðardegi Frakka í fyrra.

Donald Trump Bandaríkjaforseti segir á Twitter-síðu sinni að orð Emmanuel Macron Frakklandsforseta um nauðsyn þess að stofna Evrópuher séu móðgandi.

Færslan birtist stuttu eftir að Trump forseti lenti í Frakklandi, en hann er staddur í París um þessar mundir vegna friðarráðstefnu, sem haldinn er í tilefni af því að á morgun, sunnudag, eru 100 ár frá lokum fyrstu heimsstyrjaldarinnar. Guðni Th. Jóhannesson, forseti lýðveldisins, er einnig staddur í París.

Macron sagði á dögunum að Evrópuþjóðir liðu helst fyrir ákvörðun Trump um að segja upp svokölluðu INF samkomulagi við Rússland. Bandaríkin og Ráðstjórnarríkin gerðu með sér samkomulagið undir lok Kalda stríðsins, og fjallar það um útrýmingu langdrægra eldflauga á jörðu. Trump forseti sagði samkomulaginu upp í síðasta mánuði.

Vegna þessa sagði Macron að Evrópuþjóðir ættu að íhuga að stofna sinn eigin her, til þess að geta varist Rússum, Kínverjum og „jafnvel Bandaríkjamönnum“.

Trump virðist ekki hrifinn af vangaveltum Macron, og nýtur tækifærið til að krefja önnur evrópsk aðildarríki NATÓ um að borga meira til bandalagsins. 

Athugasemdir

Auglýsing
Auglýsing

Tengdar fréttir

Frakkland

Gul­vestungar fjöl­menntu á göturnar í áttunda sinn

Frakkland

Fagnar 72 ára af­mælinu í hylki á leið yfir At­lants­haf

Frakkland

Gulu vestin brenndu og stórskemmdu tollahlið

Auglýsing

Nýjast

Tölva Hauks á heimleið: „Kannski eitt ljóð enn“

Ung­lingar léku sér á næfur­þunnum haf­ís við Ísa­fjörð

Skóladrengir veittust að kyrjandi frumbyggja

70 missa vinnuna fyrir árslok

Tunglið verður almyrkvað í nótt

Drottningin og prinsinn beltislaus undir stýri

Auglýsing