Innlent

Segir Karl Gauta vís­vitandi segja rangt frá

Guðmundur Ingi Kristinsson, þingflokksformaður Flokks fólksins, segir með ólíkindum að Karl Gauti Hjaltason, fyrrverandi þingmaður flokksins, saki formann flokksins um að fara illa með fjármuni flokksins í þágu eigin fjölskyldumeðlima. Hann viti að það sé rangt.

Guðmundur er þingflokksformaður Flokks fólksins. Fréttablaðið/Eyþór

Guðmundur Ingi Kristinsson, þingflokksformaður Flokks fólksins, segir með ólíkindum að Karl Gauti Hjaltason, fyrrverandi þingmaður flokksins, staðhæfi að Inga Sæland, formaður Flokks fólksins, fari með fjármál flokksins með óvönduðum hætti og eyði féi flokksins í laun fjölskyldumeðlima. Hann hafi verið í stjórn flokksins og fengið alla reikninga og viti því að hann fari með fleypur, að því er fram kemur í samtali þingflokksformannsins við mbl.is.

Líkt og fram hefur komið fullyrti Karl að hann hefði margítrekað gagnrýni sína á getu Ingu til þess að leiða flokkinn og þá sagðist hann telja að formaður stjórnmálaflokks eigi ekki að sitja yfir fjárreiðum hans sem prókúruhafi og gjaldkeri né að verja opinberu féi til launagreiðslna í þágu fjölskyldumeðlima.

Inga gefur lítið fyrir ummæli Karls og segir að ummælinséu tilkomin af hefnigirni Karls, sem rekinn var úr flokknum vegna Klaustursmálsins. Sonur hennar sé vissulega starfsmaður flokksins en það hafi ekki verið ákveðið af Ingu. Guðmundur tekur í sama streng og segir Ingu ekki hafa komið nálægt ráðningunni.

„Um er að ræða frábæran einstakling sem við í stjórn og kjördæmaráði erum búin að ráða í vinnu,“ segir Guðmundur sem segir jafnframt ekki rétt að Inga sé gjaldkeri og prókúruhafi.

„Hún er ekki gjaldkeri. Við erum með þriggja manna fjármálastjórn. Við erum í góðum plús og pössum vel upp á fjármálin,“ segir Guðmundur sem segir ljóst að Karl og Ólafur Ísleifsson hafi báðir verið á Klaustur Bar til þess að ganga til liðs við Miðflokkinn.

Athugasemdir

Auglýsing
Auglýsing

Tengdar fréttir

Fangelsismál

Slagsmál á Litla-hrauni tilkynnt til lögreglu í dag

Innlent

Sekt fyrir að virða ekki lokanir við Hrafns­eyrar­heiði

Innlent

„Enginn skilinn eftir“ á alþjóðlega Downs-deginum

Auglýsing

Nýjast

Þriggja daga þjóðar­sorg: Allt að 200 látin

FBI tekur nú þátt í að rannsaka Boeing 737 MAX

Brexit mögulega frestað til 30. júní

Efling kallar eftir því að bílstjórar standi saman óháð félagi

Sögð tengjast rann­­sókn CIA á barna­­níðs­efni í svika­­pósti

Fresta falli sements­strompsins vegna veðurs

Auglýsing