Erlent

Segir Brexit-samkomulag nánast í höfn

Theresa May, forsætisráðherra Bretlands, segir samkomulag um útgöngu Breta úr ESB nánast klárt þrátt fyrir vandræði með viðræður um landamæri Írlands og Norður-Írlands.

Theresa May, forsætisráðherra Bretlands, ávarpaði þingið í dag. Fréttablaðið/AP

Theresa May, forsætisráðherra Bretlands, segir að samkomulag um útgöngu Breta úr Evrópusambandinu, vera „95 prósent tilbúinn." Á breska þinginu í dag kvaðst forsætisráðherrann vera tilbúin að leita allra mögulegra lausna til þessa að losa um þann hnút sem deilan virðist vera komin í vegna ágreinings sem varða landamærin við Írland. BBC greinir frá.

Rétt rúmir fimm mánuðir eru þar til skilnaður Breta og ESB verður. Theresa May staðfesti á leiðtogafundi Evrópusambandsins að bresk stjórnvöld íhuguðu að lengja aðlögunartímann eftir útgöngu Breta úr ESB. Hún ítrekaði þó á fundinum að enn væri stefnt að því að aðlögunartímanum væri lokið í desember árið 2020. 

Bretar ætla sér að yfirgefa Evrópusambandið þann 29. mars næstkomandi.  Undanfarið hafa Bretar og ESB reynt að ná samkomulagi um fyrirkomulag um landamæragæslu milli Írlands, sem er aðili að ESB, og Norður-Írlands, sem er hluti af Bretlandi. Fyrir leiðtogafundinn í síðustu viku sagðist Donald Tusk, forseti leiðtogaráðsins, ekki vera vongóður um að raunverulegur árangur í Brexit-málinu náist á leiðtogafundinum og má segja að hann hafi verið sannspár í því. 

Ekkert verður af fyrirhuguðum auka leiðtogafundi Evrópusambandsríkja í nóvember, en þar stóð til að ræða um, og samþykkja samkomulag um það hvernig útgöngu Breta úr ESB yrði háttað. Tilkynnt var um þetta á fyrrnefndum leiðtogafundi Evrópusambandsins í Brussel í síðustu viku, en ástæðan er sú að May hafði ekkert nýtt fram að færa í tengslum við deiluna um landamæri Norður-Írlands og Írlands þrátt fyrir að skýr krafa hafi verið frá öðrum leiðtogum um slíkt.

Athugasemdir

Auglýsing
Auglýsing

Tengdar fréttir

Brexit

Tusk ekki bjart­sýnn um Brexit-samning

Erlent

Bretar í­huga lengri að­lögunar­tíma eftir Brexit

Bretland

Forseti leiðtogaráðsins kveðst svartsýnn fyrir Brexit-fundinn

Auglýsing

Nýjast

For­seta­frúin lætur reka þjóðar­öryggis­ráð­gjafa

Vilja neyðarfund í Öryggisráðinu

Vann 25 milljónir á röð númer 512

Umsóknir um ríkisborgararétt til Alþingis fjórfaldast

Bilun í vél Icelandair á leið til San Francisco

Ætlar að farga plaggatinu

Auglýsing