Nemandi við Menntaskólann við Hamrahlíð segir mótmælin og baráttuna í MH hafa hjálpað henni að vinna úr kynferðisofbeldi sem hún varð fyrir í fyrra. Hins vegar hafi hún fengið hótanir frá vinum geranda og fjölskyldu, eftir að nafn hans var skrifað á vegg MH.
Konan, sem vill ekki láta nafn síns getið, ræddi við Eddu Falak í hlaðvarpsþættinum Eigin Konur. Hún segist lengi hafa verið hrædd við geranda sinn og vini hans vegna fyrrnefndra hótana.
“Það hringir í mig náungi sem þykist vera lögfræðingur. Hann segir við mig að hann sé að hringja fyrir hönd geranda míns og ætli að kæra mig fyrir brot á mannorði ef ég held ekki kjafti,“ segir konan.
Viðtalið í heild sinni má finna á heimasíðu hlaðvarpsþáttarins Eigin Konur.
