Í dag er spáð sunnan og suðvestan hvassviðri eða stormi, en verður heldur hægari sunnan heiða. Það verður að mestu þurrt á norðaustur- og austur landi, en rigning í öllum öðrum landshlutum.

Dregur úr vindi fyrir norðan í kvöld. Hiti á 3 til 10 stig og hlýjast á austurlandi.

Fram kemur í hugleiðingum veðurfræðings að kaldari og vestlægri átt sé spáð á morgun og éli, en yfirleitt þurrt á miðvikudag. Það líti út fyrir að næsta hlýja lægð komi aðfararnótt fimmtudags.

Þannig að þetta eru sannkallaðar umhleypingar.

Veðurhorfur á landinu næstu daga

Á þriðjudag:

Vestan 10-18 og él, en úrkomulítið á A-landi. Kólnandi, hiti í kringum frostmark síðdegis. Norðlægari og dregur úr vindi um kvöldið.

Á miðvikudag:

Vestlæg átt 3-10 og bjart með köflum. Frost 0 til 12 stig, kaldast í innsveitum NA-lands en þykknar upp og hlýnar við V-ströndina um kvöldið.

Á fimmtudag:

Sunnan- og suðvestanátt og rigning á köflum, en úrkomulítið A-lands. Hiti 3 til 10 stig.

Á föstudag:

Suðvestanátt, milt og skúrir, en kólnar með éljum þegar líður á daginn. Lengst af þurrt A-lands.

Á laugardag:

Suðvestanátt og rigning, slydda eða snjókoma, en úrkomulítið NA-lands. hiti 0 til 5 stig en kólnar seinnipartinn.

Á sunnudag:

Útlit fyrir vestlæga átt með éljum, en úrkomulítið SA-til. Frost um mest allt land.