Lögreglumál

Sandgerðingar í sjokki vegna „ógeðslegasta máls sögunnar“

Gróf kynferðisbrot hjóna í Sandgerði gegn börnum sínum hafa vakið mikinn óhug meðal bæjarbúa og nágranna þeirra. Íbúar bæjarins segja lítið hafa farið fyrir hjónunum. Þau eru sögð hafa verið strangtrúuð.

Íbúar Sandgerðis eru slegnir yfir því að málið sem vakið hefur óhug hafi átt sér stað í bænum. Fréttablaðið/Stefán

Þetta var ógeðslega mikið sjokk fyrir alla. Þetta er umtalað og margir reiðir,“ segir íbúi í Sandgerði og nágranni hjónanna sem ákærð hafa verið fyrir gróf kynferðisbrot gegn sínum eigin börnum. Fréttablaðið hefur rætt við nágranna og íbúa í Sandgerði sem segja það hafa verið mikið áfall þegar í ljós kom að umrædd fjölskylda byggi í bænum. 

Málið hefur vakið mikinn óhug síðan það kom upp og innan réttarvörslukerfisins hefur málið jafnvel verið kallað „það ógeðslegasta í sögunni“.

Á mánudag birti Landsréttur úrskurði þar sem gæsluvarðhald yfir manninum var framlengt en konan úrskurðuð á ný í gæsluvarðhald en hún var í haldi í tvær vikur þegar málið kom fyrst upp en síðan sleppt. Maðurinn hefur setið í gæsluvarðhaldi síðan hjónin voru handtekin í júlí síðastliðnum.

Í úrskurðinum koma óhugnanleg atvik málsins fram. Parið er ákært fyrir að hafa nauðgað dóttur konunnar, sem er stjúpdóttir mannsins, og tekið myndir og myndbönd af brotunum fyrr á þessu ári. Þá eru þau ákærð fyrir að hafa veitt henni áfengi og fyrir að hafa framleitt myndefni sem sýndi barnið á kynferðislegan hátt. Systir stúlkunnar, sem hjónin eiga saman, fylgdist samkvæmt ákæru með athæfinu og eru þau ákærð fyrir blygðunarsemisbrot. Stúlkurnar eru báðar yngri en fimmtán ára.

Eins og Fréttablaðið hefur greint frá játaði konan sök að hluta í sumar og var sleppt í kjölfarið úr haldi. Hún bar því við að hafa verið mjög ölvuð þegar nauðgunin átti sér stað og gerði lítið úr sínum hlut. Þegar hins vegar myndbandsupptökur voru skoðaðar, sem fundust á myndavél sem falin var í fataskáp á heimili fólksins í Sandgerði, kom í ljós að þáttur konunnar var mun meiri og tók hún virkan þátt í brotinu að mati ákæruvaldsins.

Sjá einnig: Parið á­kært fyrir nauðgun og að búa til barna­níðs­efni

Að sögn nágranna sem Fréttablaðið ræddi við eru margir íbúar Sandgerðis reiðir yfir því að konunni hafi verið sleppt fyrr í sumar.

Einn maður sem Fréttablaðið ræddi við sagði það hafa reynst honum mikið áfall þegar hann uppgötvaði að hin óheyrilegu brot hefðu verið framin af fólki frá Sandgerði.

„Þetta er náttúrulega alveg hrikalegt. Það er fyrst núna á síðustu sólar­hringum sem mér berst til eyrna að þetta sé hérna í Sandgerði. Ég er eiginlega bara svolítið sjokkeraður líka.“

Samkvæmt upplýsingum Fréttablaðsins fór lítið fyrir hjónunum í bænum.

„Hér í götunni er fullt af börnum, ég er sjálf með börn og þetta er mjög óþægilegt,“ segir nágranni.

„Það fór rosalega lítið fyrir þeim. Ég sá þau nánast aldrei, hvorki konuna né manninn. Bara börnin, stundum.“

Hinn ákærði faðir er á sextugsaldri, frá Akranesi og samkvæmt lýsingum sem Fréttablaðið hefur fengið, strangtrúaður einstaklingur. Svo trúaður raunar að samkvæmt heimildum Fréttablaðsins hætti hann í verkamannavinnu sem hann hafði ráðið sig í á Akranesi eftir aðeins þrjá daga þar sem honum ofbauð svo munnsöfnuður vinnufélaganna.

Hin ákærða móðir er á fertugsaldri en leiðir þeirra lágu saman fyrir um áratug í gegnum trúna. Hún er ættuð af Suðurnesjum. Fjölskyldan hafði búið á Akranesi um árabil en í Sandgerði undanfarin misseri.

Nágrannar sem Fréttablaðið ræddi við segir lögregluna ekki hafa rætt við neinn nágrannanna í götunni. DV hafði áður greint frá óánægju íbúa með hversu fljótt lögreglan hafi afskrifað þann möguleika að brotið hafi verið gegn fleiri börnum. 

Athugasemdir

Auglýsing
Auglýsing

Tengdar fréttir

Lögreglumál

Um­­fangs­­mesta mál sinnar tegundar á sviði með­höndlara

Lögreglumál

Fleiri konur stíga fram vegna meðhöndlarans

Lögreglumál

Enn í haldi eftir árás á dyravörð

Auglýsing

Nýjast

Þúsundir flótta­manna við landa­mæri Mexíkó

Vekja at­hygli á því sem gerist bak við luktar dyr slátur­húsa

Leggjum á­herslu á hafið, lofts­lags­mál og vist­vænar orku­lausnir

Brenndi rusl úr rúmdýnum í Varmadal

Rússar vara Trump við afleiðingunum

Segir Hildi hafa verið kallaða „nettröll“ og „femínistatussu“

Auglýsing