Bretland

Samþykktu að óska eftir frest á Brexit

Breska þingið hefur samþykkt að óska eftir fresti á útgöngu Breta úr ESB. Þetta er þó háð samþykki ESB.

Í nægu hefur verið að snúast á breska þinginu síðustu daga. Í gær var kosið um það hvort ganga ætti úr Evrópusambandinu án samnings, í fyrradag var kosið um samning Theresu May. Fréttablaðið/EPA

Þingmenn neðri deildar breska þingsins samþykktu rétt í þessu að fresta útgöngu Bretlands úr Evrópusambandinu um óákveðinn tíma. Þetta er þó háð samþykki Evrópusambandsins, svo Bretar gætu enn gengið úr sambandinu 29. mars næst komandi. 

412 þingmenn kusu með tillögunni um frest en 202 gegn henni. Ef að Evrópusambandið samþykkir ráðahaginn verður útgöngu Breta úr ESB frestað. 

Breska ríkisútvarpið hefur eftir Theresu May, forsætisráðherra Bretlands, að fresturinn geti verið allt að að þrír mánuðir, eða til 30. júní næstkomandi, ef að útgöngusamningur, sem kosið verður um í næstu viku, verður samþykktur. 

Ef að útgöngusamningnum verður hafnað í þriðja sinn mun May óska eftir lengri frest frá Evrópusambandinu. Allar tafir á útgöngu Breta verða að vera samþykktar af hinum 27 aðildarríkjum ESB. 

Fyrr í kvöld var kosið um aðra tillögu sem sneri að því að breska þjóðin myndi í annað sinn kjósa um það hvort Bretland ætti að yfirgefa Evrópusambandið. Þeirri tillögu var hafnað með miklum meirihluta, eða 85 gegn 334. 

Skiptar skoðanir eru í bresku samfélagi um Brexit. Sumir vilja halda fast í evrópskt samstarf, aðrir vilja ekki fara nema með öruggan samning og þriðji hópurinn telur að verið sé að ræna þau útgöngunni með því að fresta Brexit.

Á þinginu í kvöld var þriðji tillögunni einnig hafnað, en hún sneri að því að þingmenn neðri deildar breska þingsins tæku við stjórntaumum Brexit-viðræðna. 

Fréttin hefur verið uppfærð. 

Athugasemdir

Auglýsing
Auglýsing

Tengdar fréttir

Bretland

Brexit gæti tafist um allt að tvö ár

Bretland

Þingið vill að út­göngu úr ESB verði frestað

Bretland

Höfnuðu útgöngu án samnings

Auglýsing

Nýjast

Bóka­út­gef­endum blöskrar hljóð­bóka­sprenging

Örlög Karadzic ráðast í dag

Á­rásar­maðurinn undir­búið árás á þriðja skot­markið

Lilja lítur fjarvistir alvarlegum augum

Hættir sem for­maður: „LÍV og VR hafa ekki átt sam­leið“

Vill að heims­byggðin berjist gegn ras­isma

Auglýsing