Framsóknarflokkurinn og Sjálfstæðisflokkurinn hafa komist að samkomulagi um samstarf í meirihluta í Ísafjarðarbæ á komandi kjörtímabili. Í tilkynningu frá flokkunum segir að málefnasamningur verði lagður til samþykktar fyrir stjórnir félaganna í þessari viku og er stefnt að því að boða til fyrsta fundar í nýrri bæjarstjórn 12. júní næstkomandi. 

Á þeim fundi verði kosið um nefndir bæjarins en í tilkynningunni segir enn fremur að sú nýbreytni verði höfð að minnihlutanum verður boðin formennska í nefndum. Auglýst verður eftir bæjarstjóra á næstu dögum.