Fylgi Sjálfstæðisflokksins mælist nú 21,9%, samkvæmt nýrri könnun MMR, tæplega fjórum prósentustigum lægra en við síðustu könnun MMR sem framkvæmd var í september.

Fylgi Samfylkingarinnar jókst um rúmlega tvö prósentustig og mældist nú 15,2% en fylgi Pírata minnkaði um eitt og hálft prósentustig og mældist nú 13,5%. Þá jókst fylgi Framsóknarflokksins um tæplega tvö prósentustig frá síðustu mælingu og mældist nú 10,2%.

Stuðningur við ríkisstjórnina mældist nú 50,3% og minnkaði um tæpt prósentustig frá síðustu könnun, þar sem stuðningur mældist 51,0%.

Fylgi flokkanna samkvæmt MMR:

  • Fylgi Sjálfstæðisflokksins mældist nú 21,9% og mældist 25,6% í síðustu könnun.
  • Fylgi Samfylkingarinnar mældist nú 15,2% og mældist 12,8% í síðustu könnun.
  • Fylgi Pírata mældist nú 13,5% og mældist 15,0% í síðustu könnun.
  • Fylgi Miðflokksins mældist nú 11,6% og mældist 10,8% í síðustu könnun.
  • Fylgi Framsóknarflokksins mældist nú 10,2% og mældist 8,3% í síðustu könnun.
  • Fylgi Viðreisnar mældist nú 9,7% og mældist 9,4% í síðustu könnun.
  • Fylgi Vinstri grænna mældist nú 8,3% og mældist 8,5% í síðustu könnun.
  • Fylgi Sósíalistaflokks Íslands mældist nú 4,6% og mældist 4,3% í síðustu könnun.
  • Fylgi Flokks fólksins mældist nú 3,8% og mældist 3,6% í síðustu könnun.
  • Stuðningur við aðra mældist 1,3% samanlagt.

Hér má nálgast skoðanakönnun MMR í heild.

Heimild:MMR