„Það kemur nokkuð á ó­vart hversu hörunds­árir full­trúar rúss­neskra stjórn­valda eru gagn­vart þessari mynd­birtingu,“ segir Þór­dís Kol­brún R. Gylfa­dóttir utan­ríkis­ráð­herra um kröfur rúss­neska sendi­ráðsins gagn­vart rit­stjórn Frétta­blaðsins vegna mynd­birtingar af rúss­neska fánanum. Þór­dís segist þó sjálf hvetja til þess að komið sé fram af virðingu við þjóð­fána. „Ég vil þó líka taka fram að ég tel að meiri van­virðing við rúss­neska fánann felist í þeim hrylli­legu og ó­manneskju­legu glæpum sem framdir eru vís­vitandi af stjórn­völdum Rúss­lands um þessar mundir í nafni þjóðarinnar og undir þessum sama fána,“ segir hún.

Rit­stjórn Frétta­blaðsins hefur hafnað kröfu sendi­ráðsins um af­sökunar­beiðni og hefur net­á­rás, sem gerð var á vef blaðsins í gær, verið kærð til lög­reglu. Rann­sókn á á­rásinni er þegar hafin.