Erlent

Rússar krefjast sönnunar að eitrið sé þeirra

Utanríkisráðherra Rússlands segir ásakanir Breta vera þvætting og krefst sönnunar að eitrið sem Skripal-feðginum var byrlað sé Rússa.

Utanríkisráðherrarnir Boris Johnson (Bretlandi) og Sergei Lavrov (Rússlandi). Samband ríkjanna er stirt þessa stundina. Fréttablaðið/Getty

Rússar hafa farið fram á sönnun þess að taugaeitrið sem notað var gegn fyrrverandi njósnaranum Sergei Skripal og dóttur hans sé rússneskt. Sergei Lavrov, utanríkisráðherra Rússlands, segir ásakanir Breta í garð rússneskra stjórnvalda þvætting og þvertekur fyrir að þeir muni veita Bretum aðstoð í það að leysa málið fyrr en sannanir berast fyrir því að eitrið sé þeirra.

Theresea May, forsætisráðherra Bretlands, flutti í gær harðorða ræðu í neðri deild breska þingsins þar sem hún gaf Rússum frest til miðnættis í kvöld til þess að svara fyrir eitrið.

Sjá einnig: Skripal-leik Rússa og Breta fram haldið

May sagði tvennt koma til greina. Annaðhvort ættu rússnesk stjórnvöld beinan þátt í því að eitra fyrir Skripal og dóttur hans eða þá að þau hafi misst stórhættulegt taugaeitur, sem er af gerðinni „novichok“, í hendur annarra aðila.

Sagði hún enn fremur að utanríkisráðuneytið hafi verið í sambandi við stjórnvöld í Moskvu út af málinu. Kreml hefði til dagsloka í dag til að senda frá sér „trúverðugt svar“, ella myndu Bretar álykta að um ólögmæta notkun valds á erlendri grund hefði verið að ræða. Muni ekkert svar liggja fyrir mun fulltrúadeild breska þingsins ræða málið á fundi á morgun.

Skripal-feðgin liggja enn meðvitundarlaus á spítala eftir að hafa komist í tæri við eitrið í Salisbury. Lögreglumaðurinn Nick Bailey kom fyrstur að þeim og var hann um tíma meðvitundarlaus líka. Ástand hans er talið alvarlegt en hann hefur þó getað haft samband við fjölskyldu sína eftir að hann komst til meðvitundar.

Athugasemdir

Auglýsing
Auglýsing

Tengdar fréttir

Erlent

Eitrað fyrir Skripal og dóttur hans

Erlent

Skripal-leik Rússa og Breta fram haldið

Innlent

Leifar af tauga­eitri fundust á krá þar sem Skripal snæddi

Auglýsing

Nýjast

„Ömur­legt“ að hafa þurft að láta konuna sofa inni á baði

ESB samþykkir drög að Brexit-samningi

Vann sinn sjötta BMW á 6 árum

Yfir­maður leyni­þjónustu rúss­neska hersins látinn

Kona á tí­ræðis­aldri látin sofa á salerni með kúa­­bjöllu

Í þessum löndum er bensínið ódýrast

Auglýsing