Rósa Björk Brynjólfs­dóttir, þing­maður Vinstri Grænna, sagði sig í dag úr þing­flokki Vinstri hreyfingarinnar græns fram­boðs og úr hreyfingunni. Hún til­kynnti Katrínu Jakobs­dóttur, for­manni VG, úr­sögn sína á fundi í dag.

Hún hefur setið á þingi fyrir VG síðan í maí 2016 sem odd­viti VG í suð­vestur­kjör­dæmi og 3. þing­maður kjör­dæmisins.

Engin samleið lengur

„Ný­legir at­burðir er varða brott­vísun stjórn­valda á barna­fjöl­skyldu sem hefur beðið eftir lausn sinna mála í 25 mánuði og við­brögð ríkis­stjórnar sem VG er í for­ystu fyrir í því máli, urðu til þess að ég finn endan­lega að ég á ekki lengur sam­leið með þing­flokki VG,“ segir Rósa í frétta­yfir­lýsingu.

„Þetta er alls ekki auð­veld á­kvörðun, sér í lagi gagn­vart kjós­endum VG og fé­lögum VG í í suð­vestur­kjör­dæmi. Ég þakka þeim kær­lega fyrir stuðninginn, traustið og sam­fylgdina síðast­liðin ár og vonast eftir því að þau sýni á­kvörðun minni skilning.“

Hún hyggst á­fram starfa á Al­þingi og huga að mann­réttindum, um­hverfis- og lofts­lags­málum, kynja­jafn­rétti og fleiri málum.

Loforð ríkisstjórnarinnar á hakanum

„Þetta mál er samt þess eðlis að það er ekki hægt annað en að taka af­stöðu með mann­úðinni, með réttindum barna á flótta sem hér hafa fest rætur og myndað tengsl. Og taka af­stöðu gegn því að ís­lensk yfir­völd vísi á brott börnum og barna­fjöl­skyldum.“

Rósa greinir frá því að síðast­liðin þrjú ár sem VG hefur setið í ríkis­stjórn hafi lítið sem ekkert miðað í átt að móta hér nýja stefnu í mál­efnum inn­flytj­enda og hælis­leit­enda eða að fylgja mann­úðar­sjónar­miðum í mála­flokknum, sem er þó það sem ríkis­stjórnin lofaði. „Það er mjög miður.“

Dapurlegt aðgerðarleysi

Rósa er for­maður Ís­lands­deildar Evrópu­ráðs­þingsins og vara­for­maður flótta­manna­nefndar Evrópu­ráðs­þingsins og vara­for­maður utan­ríkis­mála­nefndar Al­þingis. „Sem vara­for­maður flótta­manna­nefndar Evrópu­ráðs­þingsins hef ég fengist mikið við mál­efni fólks á flótta og sér­stak­lega mála sem varða barna á flótta sem ég hef unnið ötul­lega að,“ segir Rósa.

„Í því ljósi finnst mér þessi stefnu­breyting og að­gerða­leysi ríkis­stjórnarinnar sér­stak­lega dapur­leg og bera vitni um af­stöðu sem er langt frá því sem af­staða VG í þessum mála­flokki hefur verið hingað til og langt frá því sem við bárum fram bæði í stjórnar­and­stöðu og fyrir kosningar.“