Erlent

Þrír nem­endur sárir eftir kennslu­stund í með­ferð skot­vopna

Skot hlupu úr byssunni, sem vísaði upp í loft, og endurköstuðust yfir nemendur. Enginn er alvarlega slasaður.

Kennarinn hefur að sögn beðist afsökunar á óhappinu. Seaside city counsil & EPA

Á sama tíma og þúsundir skólabarna yfirgáfu skólastofur í Bandaríkjunum í dag, til að knýja á um hertari löggjöf um skotvopn, lágu þrír nemendur kennarans og borgarfulltrúans Dennis Alexander, sárir eftir slysaskothríð í kennslustund í Kaliforníu í gær.

Dennis sýndi nemendum sínum í Seaside High School hvernig umgangast ætti skotvopn með öruggum hætti. Ekki vildi betur til en svo að skot hlupu úr byssunni með þeim afleiðingum að þrír slösuðust. New York Times greinir frá þessu.

Byssunni var sem  betur fer beint upp í loft þegar atvikið varð, að því er haft er eftir talsmanni skólans. Enginn slasaðist því alvarlega. Hins vegar endurköstuðust flísar úr byssukúlunum og hæfðu nemendur. Sautján ára nemenda fékk flís í hálsinn en tveir til viðbótar særðust.

„Honum er brugðið en hann mun ná sér,“ sagði faðir 17 ára drengsins í viðtali við sjónvarpsstöðina KSBW. Hann gagnrýndi að hann hefði sjálfur þurft að tilkynna atvikið til lögreglu. Það hafi skólinn ekki gert.

Málið er í rannsókn.

Donald Trump Bandaríkjaforseti brást á dögunum við skotárásinni í Flórída á þann veg að réttast væri að vopna kennara. „Ef þú værir með kennara sem væri laginn með skotvopn, þá gæti vel verið að það myndi stöðva árásir mjög snögglega,“ sagði hann.

Athugasemdir

Auglýsing
Auglýsing

Tengdar fréttir

Erlent

Blaðamenn manneskja ársins hjá Time

Bandarísk stjórnmál

Sagður óttast á­kæru með auknum völdum Demó­krata

Erlent

Leita að skóflu í tengslum við morðið á Grace Milla­ne

Auglýsing

Nýjast

Þrumur og eldingar á höfuð­borgar­svæðinu

Leggja fram aðra beiðni um nafnið Zoe á næstu dögum

Fjórir þingmenn draga Báru fyrir dóm: „Hefst þá dansinn“

Íraki dæmdur fyrir nauðgun á Hressó

Borgin sýknuð af bótakröfum skólaliða

Veiði­gjalda­frum­varpið sam­þykkt á Al­þingi

Auglýsing