Í dag er gert ráð fyrir sunnan 10-18 m/s, en það verður hvassara í vindstrengjum norðanlands í fyrstu. Það dregur úr vindi með morgninum og kólnar, en áfram verður stíf suðlæg átt austast. Það verður rigning með köflum um mestallt land og talsverð úrkoma SA-til eftir hádegi. Hiti verður 2 til 8 stig seinni partinn, en það verður kaldara í kvöld.

Á Norðurlandi eystra er gul viðvörun í gildi til klukkan 9. Þar er enn hvassviðri eða stormur og fólk er hvatt til að sýna aðgát.

Á morgun verður suðvestlæg átt, 3-10 m/s, en vestan strekkingur með S-ströndinni. Víða verður éljagangur, en það verður þurrt NA-lands. Hiti verður um og undir frostmarki.

Það má því búast við hefðbundnara desemberveðri á morgun en hefur verið og á fimmtudag og föstudag er útlit fyrir norðlæga átt og vetrarveður á norðanverðu landi með köldu veðri.

Veðurhorfur á landinu næstu daga

Á miðvikudag:

Suðlæg átt 5-10 m/s, en vestan strekkingur með S-ströndinni. Éljagangur víða, en bjart með köflum NA-til. Kólnandi, frost 0 til 7 stig seinni partinn.

Á fimmtudag og föstudag:

Snýst í norðlæga átt með snjókomu eða éljum norðanlands, en yfirleitt þurrt og bjart syðra. Frost 1 til 10 stig.

Á laugardag:

Vaxandi austlæg átt með snjókomu í fyrstu, en síðan slyddu eða jafnvel rigningu. Lengst af þurrt NA-lands. Frost 0 til 5 stig, en frostlaust með suðurströndinni.

Á sunnudag:

Austanátt með snjókomu eða rigningu, en þurrt að kalla um landið NA-vert. Hiti 0 til 5 stig.

Á mánudag:

Útlit fyrir suðlæga átt og úrkomu með köflum. Hiti breytist lítið.