Í dag spáir Veðurstofan norðan 3-8 m/s og rigningu norðan- og austanlands í fyrstu en annars suðvestlægri eða breytilegri átt, 5-13 m/s, hvassast sunnanlands. Það verða skúrir sunnan- og vestantil, en annars úrkomulítið. Hiti verður 5 til 10 stig yfir daginn.

Á morgun verða suðvestan 8-15 m/s og skúrir um sunnan- og vestanvert landið en bjartviðri á Austur- og Norðausturlandi. Seint annað kvöld verður svo sunnanátt, 5-10 m/s en um nóttina gengur í austan 13-18 m/s með slagveðursrigningu.

Veðurhorfur á landinu næstu daga

Á föstudag:

Suðvestan 5-13 m/s, hvassast S-til. Dregur úr vindi síðdegis. Skúrir, en bjart með köflum A-lands. Hiti 6 til 12 stig hlýjast á A-landi.

Á laugardag:

Suðaustan 13-20 m/s en mun hægari með morgninum. Norðan 8-15 m/s síðdegis. Rigning, sums staðar talsverð. Hiti 3 til 11 stig, hlýjast með suðurströndinni.

Á sunnudag og mánudag:

Útlit fyrir vestlæga átt, 5-10 m/s með rigningu eða skúrum, einkum vestantil. Hiti 1 til 8 stig.

Á þriðjudag:

Hægviðri, skýjað með köflum og hiti 3 til 10 stig yfir daginn.

Á miðvikudag:

Óvissar spár en líkur á austanátt og rigningu sunnanlands. Hiti 3 til 10 stig.