Gul viðvörun er í gildi á Austfjörðum vegna úrkomu með morgninum en það rigndi hressilega þar í nótt. Þá mun draga vel út værunni fyrir hádegi.

Í dag er spáð rigningu víða um land og hita á bilinu 4 til 10 stig. Talsverð úrkoma á Vestfjörðum og Norðvesturlandi síðdegis og slydda eða snjókoma á fjallvegum á þeim slóðum í kvöld og bætir í vind og mun kólna víða.

Á morgun er spáð allhvassri og vestlægri átt um landið austanvert á morgun en lægir vestanverðu landinu.

Rigning á láglendi fyrir norðan, en slydda eða snjókoma til fjalla. Annars að mestu þurrt og hiti á bilinu 3 til 10 stig, hlýjast suðaustan til.

Gular viðvaranir

Vestfirðir

Á Vestfjörðum er spáð talsverðri eða mikili rigningu. Búast má við vexti í ám og lækjum og eru auknar líkur á skriðufjöllum og grjóthrauni.

Gular viðvaranir eru í gildi frá 4 .október klukkan 15:00 til 5. október klukkan 08:00.

Vegna slyddu og snjókomu á fjallvegum eru gular viðvaranir í gildi frá 4 október klukkan 20:00 – 5 október klukkan 10:00.

„Allhvöss norðanátt (13-18 m/s) með rigningu nærri sjávarmáli. Slydda eða snjókoma á fjallvegum þar sem búast má við erfiðum akstursskilyrðum.“

Strandir og Norðurland vestra

Talsverð eða mikil rigning eru í gildi frá 4 október klukkan 16:00 til 5 október klukkan 18:00. Búast má við vexti í ám og lækjum og eru auknar líkur á skriðuföllum og grjóthruni.

Slydda eða snjókoma á fjallvegum 4 október klukkan 22:00 til 5 október klukkan 23:59.

„Norðvestan 10-18 m/s með rigningu nærri sjávarmáli. Slydda eða snjókoma á fjallvegum þar sem búast má við erfiðum akstursskilyrðum og á það t.d. við um Öxnadalsheiði og Holtavörðuheiði.“

Austfirðir

Gular viðvaranir á Austfjörðum hafa verið í gildi frá því í gærkvöldi og standa til klukkan 10 í dag þar mikil rigning hefur verið.

„Búast má við vexti í ám og lækjum. Auknar líkur á skriðuföllum og grjóthruni.“

Veðurhorfur á landinu næstu daga

Á miðvikudag:
Norðvestan og vestan 13-20 m/s, hvassast norðan til. Rigning á láglendi fyrir norðan, en slydda eða snjókoma á heiðum og til fjalla, sums staðar talsverð úrkoma. Þurrt sunnanlands og einnig á Austfjörðum. Lægir og rofar til á Vesturlandi um kvöldið. Hiti á láglendi 3 til 10 stig, hlýjast á Suðausturlandi.

Á fimmtudag:
Norðvestan og vestan 8-15 og rigning eða slydda á norðanverðu landinu, en yfirleitt hægari vindur og þurrt sunnan til. Hiti 2 til 7 stig.

Á föstudag:
Norðvestan og norðan 10-18 m/s með rigningu eða slyddu, en skýjað með köflum á sunnanverðu landinu. Hiti 1 til 7 stig, kaldast í innsveitum norðanlands.

Á laugardag:
Gengur í stífa suðlæga átt með rigningu, en úrkomulítið um landið norðaustanvert. Hiti um frostmark norðaustan til, upp í 8 stig með suðurströndinni.

Á sunnudag:
Snýst í norðanátt með slyddu fyrir norðan, en styttir smám saman upp á sunnanverðu landinu. Hiti 1 til 6 stig.

Á mánudag:
Útlit fyrir suðlæga átt með rigningu og hlýnandi veðri, en að mestu þurrt norðaustan til.