Í dag er spáð breytilegri hátt, yfirleitt á bilinu 5 til 10 metrum á sekúndu. Rigning eða snjókoma verður með köflum í flestum landshlutum og hiti um og yfir frostmarki.

„Á morgun verður lítil lægð á ferðinni úti fyrir norðurströndinni. Á norðanverðu landinu má þá búast við vestan kalda eða strekkingi og snjókomu með köflum. Sunnan til er útlit fyrir hægari suðlæga átt og stöku él. Frost 0 til 5 stig.

Um og upp úr miðri viku virðist eiga að vera tiltölulega rólegt veður áfram, það er allavega ekki stormur í kortunum eins og þau líta út núna þegar þetta er skrifað,“ segir í hugleiðingum veðursfræðings Veðurstofu Íslands.

Veðurhorfur á landinu næstu daga

Á þriðjudag:

Vestlæg átt 5-13 m/s á norðanverðu landinu og snjókoma með köflum. Suðaustan 3-8 á Suður- og Vesturlandi og stöku él. Frost 0 til 6 stig.

Á miðvikudag:

Suðlæg átt 3-10 og léttskýjað, en stöku él með vesturströndinni. Bætir heldur í vind um kvöldið og fer að snjóa austast á landinu. Frost 1 til 10 stig, kaldast inn til landsins.

Á fimmtudag:

Suðaustan 5-13 og rigning eða snjókoma með köflum, en úrkomulítið norðanlands. Hiti kringum frostmark.

Á föstudag:

Hæg suðlæg eða breytileg átt. Skýjað með köflum og sums staðar dálítil él. Frost 0 til 6 stig.

Á laugardag:

Hvöss austlæg átt með rigningu eða slyddu, talsverð úrkoma um landið suðaustanvert. Hiti 1 til 6 stig.

Á sunnudag:

Breytileg átt, rigning eða slydda með köflum og svipaður hiti áfram.

Á vef Vegagerðarinnar segir að vetrarfærð séð víðast hvar á landinu og flughált.

Hægt er að fylgjast með færð á vegum á Færðarkort Vegagerðarinnar og vegagerdin.is/ferdaupplysing.