Leit að Páli Mar Guðjónssyni í Ölfusá er lokið í dag. Greint er frá á vef lögreglunnar, en þar kemur fram að leitin hafi engan árangur borið. Svæðisstjórn björgunarsveita á svæðinu mun funda með lögreglu um framhaldið eftir helgina. Fyrir liggur að framkvæma fjölgeislamælingu í farvegi árinnar neðan Ölfusárbrúar við fyrsta tækifæri til að reyna að staðsetja bifreið mannsins.

Alveg er óljóst um árangur af slíkri mælingu enda áin straumþung og loftbólur í henni en hvorutveggja takmarkar mjög getu þeirra tækja sem þarf í þessa aðgerð.

Lögregla og aðstandendur mannsins þakka björgunarsveitum og viðbragðsaðilium öllum mikið og óeigingjarnt starf við leitina.