Erlent

Þrettán ára fannst á lífi þremur mánuðum síðar

Þrettán ára stúlka sem hvarf sama kvöld og foreldrar hennar voru myrtir er fundin. Einn er í haldi lögreglu.

Hin þrettán ára gamla Jayme hvarf í október. Hún fannst í gær, tæpum þremur mánuðum síðar.

Þrettán ára gömul bandarísk stúlka, sem hvarf sporlaust í október á síðasta ári er fundin á lífi. Stúlkan hvarf sama kvöld og foreldrar hennar fundust látnir á heimili þeirra. Bandaríska alríkislögreglan(FBI) greindi frá þessu í gær og hefur verið boðað til blaðamannafundar vegna málsins. Einn er í haldi lögreglu vegna málsins.

Ekki hafði sést til hinnar þrettán ára Jayme Closs frá því í október á síðasta ári, eða frá því að foreldrar hennar fundust skotin til bana á heimili þeirra.

Í frétt breska ríkisútvarpsins um málið kemur fram að mánudaginn 15. október hafi bandaríska Neyðarlínan fengið símtal úr farsíma sem rakinn var á heimili fjölskyldunnar á sveitabæ nærri Gordon í Wisconsin. 

Ekki var hægt að greina orðaskil, einungis hávaða. Þegar lögregla kom á vettvang fundust foreldrar hennar, James og Denise Closs, látin og Jayme var á bak og burt. Lögregla hefur síðan þá leitað hennar fylgdi eftir rúmlega 400 ábendingum frá almenningi. 

„Við hétum því að koma Jayme heim og í kvöld efndum við loforðið,“ segir í tilkynningu frá lögreglunni. Ekki hefur verið gefið upp hvar Jayme fannst en blaðamannafundur vegna málsins verður haldinn í dag.

Ekki hefur fengið staðfest hvort stúlkan hafi verið fangi íeða hvort hún hafi átt þátt í morðunum. Ýmsar getgátur hafa þó verið á lofti í fjölmiðlum vestanhafs, þar hefur til að mynda komið fram að unglingsstúlka hafi leitað til konu sem var að viðra hundinn sinn og tjáð henni að foreldrar sínir hefðu verið myrtir. Er stúlkan sögð hafa verið afar horuð og þegar lögregla kom á vettvang bar hún strax kennsl á Jayme. Einn var í kjölfarið handtekinn vegna málsins. 

Athugasemdir

Auglýsing
Auglýsing

Tengdar fréttir

Erlent

Segir Pelosi að fara varlega

Erlent

Elsti maður heims látinn 113 ára

Erlent

Skóladrengir veittust að kyrjandi frumbyggja

Auglýsing

Nýjast

„Hverfandi líkur“ á því að sjá til al­myrkvans í nótt

Hellisheiði opin en Kjalarnes enn lokað

Fjórir á slysa­deild með minni­háttar á­verka

Lokað um Hellis­heiði, Þrengsli og Kjalar­nes

Tvær rútur út af á Kjalarnesi

Ekið aftan á lögreglubifreið á vettvangi slyss

Auglýsing