Finnur Ri­cart, loftslagsfullrúi Ungra umhverfissinna og einn skipuleggjenda Loftslagsverkfallsins, segir að hann hafi orðið fyrir miklum von­brigðum með ræðu for­sætis­ráð­herra á COP26 í há­deginu í dag.

„Ég er bara smá reiður ef ég á að vera hrein­skilinn. For­sætis­ráð­herra nefndi í upp­hafi ræðunnar að vísindin séu skýrari en nokkru sinni fyrr og að við séum að sjá neyðar­á­stand skapast um allan heim. En samt vilja stjórn­völd ekki lýsa yfir neyðar­á­standi í lofts­lags­málum á Ís­landi og mark­miðin sem Katrín sagði síðan frá beint á eftir eru ekki ná­lægt því að vera full­nægjandi í sam­hengi við vísindin sem hún vísar í,“ segir Finnur.

Hann segir að heimurinn þurfi að draga saman losun um 50 prósent fyrir 2030 til að halda hlýnun jarðar innan 1.5 gráðu, en sam­kvæmt upp­færðu lands­fram­lagi Ís­lands með ESB verður Ís­landi lík­lega út­hlutað um 40 prósent sam­drátt.

„Það bara gengur ekki að rík þjóð í for­réttinda­stöðu, sem Ís­land er, sé með lægra mark­mið heldur en það sem meðal­tal heimsins þarf að vera,“ segir Finnur en hann er staddur á ráð­stefnunni, á­samt Tinnu Hall­gríms­dóttur, for­manni fé­lagsins.

„Ég er staddur hérna fyrir hönd ungs fólks á Ís­landi og það veldur ein­fald­lega von­brigðum að heyra hvað stjórn­völd segjast vera að gera mikið og flott miðað við það sem er í raun og veru verið að gera, eða öllu heldur ekki verið að gera. Til dæmis nefndi For­sætis­ráð­herra nýju Orca stöð Cli­meworks sem var ný­verið tekin í notkun, en stjórn­völd eru ekki að styðja nægi­lega nóg við köl­efnis­förgunar og förgunar verk­efni og fyrir utan það þurfum við að gera allt sem við getum til að draga úr losun fyrst, áður en við leggjum allt okkar traust í svona tækni­lausnir,“ segir Finnur.

Hann segir að það hafi verið gott að heyra um vilja yfir­valda til að styrkja mark­mið um sam­drátt Ís­lands fyrir árið 2030 en að það hafi á sama tíma verið mjög ó­skýrt hvað það þýðir.

„Síðan vísar Katrín í bók Andra Snæs og talar um mikil­vægi þess að hugsa um fram­tíðar­kyn­slóðir, en ég er nokkuð viss um að það sem Andri Snær myndi gera til að tryggja líf­væna fram­tíð þessara fram­tíðar­kyn­slóða væri mun meira og metnaðar­fyllra en það sem stjórn­völd eru að gera,“ segir Finnur og bætir við:

„Ég myndi vilja sjá stjórn­völd hlusta meira á það sem við unga fólkið höfum að segja og setja sér mark­mið í takt við þau vísindi sem þau vísa sjálf í.“