Skemmtistaðurinn Shooters er einn þeirra staða þar sem lögregla gerði húsleit í umfangsmiklum aðgerðum sínum að morgni laugardags. Farið var í átta húsleitir og tíu manns yfirheyrðir í þágu rannsóknarinnar.

Rannsóknin er unnin í samstarfi við Skattrannsóknarstjóra og beinist að skipulagðri brotastarfsemi samkvæmt tilkynningu lögreglu, sem verst að öðru leyti allra frétta. Samkvæmt heimildum blaðsins lýtur rannsóknin að skattalagabrotum, ætluðu mansali og milligöngu um vændi. 

 Shooters er í eigu Kristjáns Georgs Jósteinssonar sem er einn þriggja ákærðra í innherjasvikamáli tengdu Icelandair.