Erlent

R. Lee Ermey úr Full Metal Jacket látinn

R. Lee Ermey, sem ef­laust er þekktastur fyrir leik sinn sem orð­ljóti lið­þjálfinn í kvik­myndinni Full Metal Jacket, er látinn 74 ára að aldri.

R. Lee Ermey er látinn 74 ára að aldri. Fréttablaðið/Getty

Leikarinn R. Lee Ermey er látinn 74 ára að aldri. Hann er ef til vill þekktastur fyrir leik sinn í hlutverki orðljóta liðþjálfans Gunnery Hartman í kvikmyndinni Full Metal Jacket frá árinu 1987. 

Umboðsmaður Ermey greindi frá andlátinu á Twitter-reikningi leikarans og segir að hann hafi látist eftir baráttu við lungnabólgu.

Hann fæddist í Kansas árið 1944 og gerðist snemma landgönguliði í Bandaríkjaher þar sem hann átti eftir að sinna verkefnum í Japan og Víetnam. Auk þess starfaði hann sem liðþjálfi um tíma og mun sú reynsla vafalaust hafa auðveldað honum hlutverkið sem hinn orðljóti Hartman, en sögusvið kvikmyndarinnar er Víetnam.

Raunar segir sagan sú að Ermey hafi upprunalega verið ráðinn sem tæknilegur ráðgjafi fyrir Full Metal Jacket en Stanley Kubrick hreifst svo af honum að hann bauð honum hlutverkið sem átti síðan eftir að koma honum á kortið.

Fjölmargir hafa minnst Ermey eftir að greint var frá andláti hans, en þeirra á meðal eru Matthew Modine og Vincent D'Onofrio, samleikarar hans úr Full Metal Jacket.

Hér fyrir neðan má sjá stórkostlega senu þar sem Ermey lætur D'Onofrio heyra það í hlutverki Hartman en D'Onofrio leikur Pvt. Pyle.

Athugasemdir

Auglýsing
Auglýsing

Tengdar fréttir

Erlent

Tyrkir hóta að afhjúpa allt um morðið

Tækni

Ráða fyrr­verandi vara­for­sætis­ráð­herra

Suður-Kórea

Slá heræfingum sínum á frest

Auglýsing

Nýjast

Ferðalangar sýni aðgát í dag

Stal bíl og ók inn í Seljakjör

Stúlkurnar þrjár fundnar

Leitað að þremur 15 ára stúlkum frá Selfossi

Björn Bjarna furðar sig á „ein­kenni­legu“ frétta­mati RÚV

Spá allt að 40 metrum á sekúndu

Auglýsing