Klaustursupptökurnar

Pabbi Sig­­mundar sendi sér­kennurum skammar­póst

Gunnlaugi Sigmundssyni hugnast ekki framkoma sérkennara gagnvart Önnu Kolbrúnu Árnadóttur, sem glímir nú við mikil veikindi. Hann lýsti óánægju sinni í tölvupósti til Félags sérkennara og segir það hafa sparkað i liggjandi manneskju. „Óviðeigandi póstur,“ segir formaður félagsins.

„Mér finnst bara leiðinlegt þegar mannskepnan er orðin eins og hænsnabú,“ segir Gunnlaugur M. Sigmundsson, fyrrverandi þingmaður Miðflokksins. Fréttablaðið/Valli

Gunn­laugur M. Sig­munds­son, fyrr­verandi þing­maður og faðir Sig­mundar Davíðs, er afar ó­sáttur við yfir­lýsingu sem Fé­lag sér­kennara sendi frá sér á dögunum og hefur sent fé­laginu tölvu­póst þess efnis. Yfir­lýsingin varðaði ranga skráningu á vef Al­þingis þar sem Anna Kol­brún Árna­dóttir, þing­maður Mið­flokksins, er sögð hafa starfað sem rit­stjóri Glæða, fag­tíma­rits sér­kennara. 

„Það eina sem ég vil segja um þetta er að þetta var mjög ó­við­eig­andi tölvu­póstur,“ segir Sæ­dís Ósk Harðar­dóttir, rit­stjóri Glæða og for­maður Fé­lags sér­kennara. 

Sæ­dís segir stjórnina ætla að hittast eftir helgi vegna málsins. Að­spurð kveðst hún ekki hafa svarað tölvu­skeytinu. 

„Hann er ekki svara­verður,“ segir hún. 

Sjá einnig: Anna greindi satt og rétt frá

Gunnlaugur segir það sorglegt að Félag sérkennara ákveði að sparka í liggjandi manneskju. Hann vísar til veikinda Önnu Kolbrúnar en hún hefur glímt við krabbamein frá árinu 2011. Ernir Eyjólfsson

Sparkað í liggjandi manneskju

Gunn­laugur segir í sam­tali við Frétta­blaðið að fé­lagið hafi með yfir­lýsingu sinni til fjöl­miðla sparkað í liggjandi mann­eskju. 

Hann vísar til þess að Anna Kol­brún hefur glímt við krabba­mein um nokkurt skeið, eða frá árinu 2011, þegar hún greindist með meinið í brjósti. Ný­verið varð ljóst að krabbinn hefur dreift sér um nær allan líkamann og hefur Anna verið í lyfja­með­ferð vegna veikinda sinna. 

„Al­mennt talað í dýra­ríkinu er þetta þannig, og þeir sem þekkja hænsna­bú vita, að ef ein­hver hæna er veik þá fara allar hinar hænurnar að ráðast á hina veiku. Og mér finnst bara að við mann­fólkið þurfum ekki að haga okkur eins,“ segir hann. 

„Þarna er mjög mikið veik kona og þá kemur allt þetta lið sem er búið að hafa mánuði til þess að gera at­huga­semdir. En núna, vegna þess að hún liggur veik fyrir, þá er þetta eins og í hænsna­búi; ráðist á hana og kroppað og kroppað og kroppað,“ bætir Gunn­laugur við en hann vildi að öðru leyti ekki tjá sig frekar. 

„Ég hef ekkert meira um þetta að segja. Mér finnst bara leiðin­legt þegar mann­skepnan er orðin eins og hænsna­bú.“

Sigmundur Davíð, formaður Miðflokksins, hefur ásamt þremur samflokksmönnum sínum verið í deiglunni vegna Klaustursmálsins. Tveir þeirra eru komnir í ótilgreint leyfi frá þingstörfum. Fréttablaðið/Eyþór

Enginn póstur til þroskaþjálfa

Stein­grímur J. Sig­fús­son, for­seti Al­þingis, upp­lýsti í síðustu viku að ekki væri við Önnu Kol­brúnu að sakast vegna skráningar hennar á vef Al­þingis. Þvert á móti liggi á­byrgðin hjá skrif­stofu Al­þingis því þing­maðurinn hafi veitt réttar upp­lýsingar í einu og öllu. 

Enginn tölvu­póstur barst Fé­lagi þroska­þjálfa frá Gunnlaugi vegna yfir­lýsingar þeirra um að Anna Kolbrún hefði notað starfsheitið þroskaþjálfií æviágripi sínu, sam­kvæmt upp­lýsingum frá fé­laginu. Stjórn Fé­lags sér­kennara hyggst funda vegna málsins eftir helgi. 

Fjórir þing­menn Mið­flokksins; Sig­mundur Davíð, Anna Kol­brún, Gunnar Bragi Sveins­son og Berg­þór Óla­son hafa verið tals­vert til um­fjöllunar síðustu daga vegna Klausturs­málsins svo­kallaða. Gunnar Bragi og Berg­þór eru komnir í ó­til­greint leyfi frá þing­störfum vegna málsins.

Uppfært:

Sædís Ósk hjá Félagi sérkennara vill koma því á framfæri að félaginu hafi borist ábending um ranga skráningu þingmannsins á vef Alþingis, og að þar af leiðandi hafi yfirlýsingin verið send út. Enginn félagsmanna liggi yfir skráningum þingmanna. „Við höfum margt betra við tíma okkar að gera,“ segir Sædís. 

Athugasemdir

Auglýsing
Auglýsing

Tengdar fréttir

Innlent

Sér­kennarar skora á Önnu Kol­brúnu að leið­rétta feril­skrá sína

Innlent

Stein­grímur segir ekki við Önnu að sakast vegna ævi­skrár

Innlent

Segja Önnu hafa notað starfs­heiti þroska­þjálfa í ó­leyfi

Auglýsing

Nýjast

Gul stormviðvörun á morgun

Lægri fast­eigna­skattur og hærri syst­kina­af­sláttur

Vegagerðin vill Þ-H þrátt fyrir nýja greiningu

Varð fyrir 500 kílóa stálbita

„Hefði orðið upplausn í Bretlandi“

Stóð af sér tillögu um vantraust með góðum meirihluta

Auglýsing