Tvær rússneskar sprengjuflugvélar komu í morgun óvænt inn í loftrýmiseftirlitssvæði Atlantshafsbandalagsins við Ísland. Á móti þeim voru sendar tvær orrustuþotur ítalska flughersins, sem hér voru staddar vegna loftrýmisgæslu. Það var gert til að auðkenna þær. Þetta kemur fram í tilkynningu frá Landhelgisgæslunni.

Vélarnar voru af gerðinni Tu-142 (Bear F). Fram kemur að flugvélarnar hafi verið innan loftrýmiseftirlitssvæðis NATO en utan íslenskrar lofthelgi. „Rússneskar herflugvélar flugu síðast inn á loftrýmiseftirlitssvæðið í desember 2018 en eru oft á ferð undan ströndum Noregs.“

Fram kemur að loftrýmisgæslan við Ísland standi nú yfir og að flugsveit ítalska flughersins hafi komið hingað nýverið. „Verkefnið heyrir undir svæðisstjórnstöð NATO í Uedem, Þýskalandi (Combined Air Operations Center) en Landhelgisgæsla Íslands ber ábyrgð á framkvæmdinni hérlendis, í samvinnu við Isavia. Ítalska flugsveitin er með fjórar Eurofighter Typhoon EF-2000 orrustuþotur.