Innlent

Þór­dís tekin við lyklum að dóms­mála­ráðu­neytinu

Þórdís Kolbrún Reykfjörð Gylfadóttir hefur tekið við lyklunum að dómsmálaráðuneytinu af Sigríði Á Andersen sem steig tímabundið til hliðar vegna Landsréttarmálsins. Þórdís gegnir nú tveimur ráðherraembættum.

Þórdís Kolbrún Reykfjörð Gylfadóttir, nýr dómsmálaráðherra, og Sigríður Andersen, fráfarandi dómsmálaráðherra.

Þórdís Kolbrún Reykfjörð Gylfadóttir hefur tekið við lyklum að dómsmálaráðuneytinu. Sigríði Á. Andersen, sem greindi frá því í fyrradag að hún myndi stíga tímabundið til hliðar vegna Landsréttarmálsins, afhenti henni lyklana klukkan eitt eftir hádegi. Þórdís gegnir nú tveimur ráðherraembættum, en hún er nú bæði dómsmálaráðherra og ferðamála-, iðnaðar- og nýsköpunarráðherra.

Sem fyrr segir greindi Sigríður frá því í vikunni að hún ætlaði að stíga til hliðar eftir dóm Mannréttindadómstóls Evrópu um skipan dómara í Landsrétt. 

Sjá einnig: Klár vilji ráð­herrans að á­frýja

Bjarni Benediktsson, fjármála- og efnahagsráðherra og formaður Sjálfstæðisflokksins, tilkynnti í gær að Þórdís Kolbrún myndi taka tímabudnið við dómsmálaráðuneytinu. Bjarni sagði að litið væri á ráðahaginn sem nokkurra vikna úrræði. 

Þórdís tók við lyklunum klukkan eitt í dag. Fréttablaðið/Stefán

Þórdís Kolbrún sagði í samtali við Fréttablaðið í dag að mikilvægt væri að áfrýja dómi Mannréttindadómstóls Evrópu. „Málið varðar eina af grunnstoðum samfélagsins, réttarkerfið okkar. Það er lykilatriði að sé stigið varlega til jarðar þegar kemur að því að freista þess að löggjafar- og framkvæmdavaldið skýri stöðu mála hraðar. Huga þarf að því að ekki verði aukið við réttaróvissu og að leyst verði úr málum af yfirvegun," sagði Þórdís. 

Athugasemdir

Auglýsing
Auglýsing

Tengdar fréttir

Innlent

Ekkert dramatískt að láta af em­bætti

Innlent

Bjarni: Ekki búið að á­kveða nýjan ráð­herra

Innlent

Katrín: „Ég styð ákvörðun ráðherrans“

Auglýsing

Nýjast

Tveir inn­lyksa á Hrafns­eyrar­heiði vegna snjó­flóða

Drengirnir í Grindavík fundnir

Rann­saka fram­leiðslu­ferli Boeing 737 MAX vélanna

Þór­hildur Sunna: Tæta í sig MDE til „verndar hégóma Sig­ríðar“

Á­rásar­maðurinn í Utrecht hand­tekinn

My­space glataði öllum gögnum frá því fyrir 2016

Auglýsing