Í yfir­lýsingu frá fjöl­skyldu banda­rísku leik­konunnar, Anne Heche, segir að ó­lík­legt sé að hún muni ná sér eftir að hafa lent í al­var­legu um­ferðar­slysi í Los Angel­ses síðast­liðinn.

Anne hlaut al­var­legan heila­skaða og hefur verið haldið sofandi í öndunar­vél síðustu daga.

„Því miður, vegna um­ferðar­slyssins sem Anna Heche lenti í, fékk hún al­var­legan heila­skaða. Hún er enn í dái og í lífs­hættu. Ekki er búist við að hún lifi það af,“ segir í yfir­lýsingu sem miðillinn Rolling Stone hefur undir höndum.

Þá hefur það verið að ósk leikkonunnar að gefa líf­færi sín ef ein­hver þeirra eru líf­væn­leg.

Fjöl­skylda Anne minnist hennar sem hjarta­hlýrri mann­eskju sem snerti við fólki með ein­stakri nær­veru, góð­vild og gleði.

Anne var undir stýri bif­reiðarinnar sem ekið var inn á hús í Mar Vista- hverfinu í Los Angeles. Talið er að leik­konan hafi verið undir á­hrifum þegar slysið varð, en eldur kom upp við á­reksturinn og tók tals­verðan tíma að ná henni út

Leik­konan vakti fyrst at­hygli fyrir leik sinn í sápu­óperunni Anot­her World. Í kjöl­farið lék hún í kvik­myndum á borð við Donni­e Brasco, Six Days Se­ven Nights, og Wag the Dog.

Síðustu ár hefur hún þó fengið frekari verk­efni í sjón­varps­þátta­seríum á borð við The Bra­ve, Qu­antico, og Chi­cago P.D.