Ás­laug Arna Sigur­björns­dóttir dóms­mála­ráð­herra segir það lengi hafa legið fyrir að það sé orðið tíma­bært að endur­nýja skipa­flota Land­helgis­gæslunnar en varð­skipið Týr er nú komið endan­lega í slipp og því er Gæslan að­eins með eitt skip til um­ráða, varð­skipið Þór.

„Nú þegar Týr er kominn endan­lega í slipp vegna al­var­legra við­gerða, fyrr en við bjuggumst við, að þá er þetta mjög mikill gleði­dagur að geta ráðist í það að kaupa fáan­legt skip og fá það innan við nokkra mánuða,“ segir Ás­laug í sam­tali við Frétta­blaðið en ríkis­stjórnin hefur sam­þykkt að kaupa nýlegt skip í stað Týs.

Kostnaður við nýtt skip einn til einn og hálfur milljarði

Líkt og Frétta­blaðið greindi frá fyrr í vikunni kom upp al­var­leg bilun í varð­skipinu Tý en að sögn Ás­laugar var reynt að fá vara­hluti í Tý úr varð­skipinu Ægi. Sama bilun var þó þar auk þess sem það kom í ljós að skemmdirnar í Tý ógnuðu öryggi skipsins og á­hafnar.

„Það er ó­for­svaran­leg með­ferð á opin­beru fé að eyða mörg hundruð milljónum í 46 ára gamalt skip til að koma því til sjós, þegar það liggur auð­vitað fyrir að Land­helgis­gæslan þarf að hafa tvö full­búin skip eins og Þór til sjós og til björgunar,“ segir Ás­laug. „Þetta er hag­stæðasti kosturinn á þessum tíma.“

Kostnaður við að gera við skipið var talinn nema meiru en sem svara verð­mæti skipsins, eða um 100 milljónum króna. Kostnaður við að kaupa nýtt skip mun aftur á móti nema einum til einum hálfum milljarði að sögn Ás­laugar. Þá hafi það verið skoðað að byggja nýtt skip en það hefði tekið of langan tíma.

„Afar skemmtilegt og öflugt að Freyja og Þór stæðu vörð um okkur“

Líkt og önnur skip Gæslunnar mun nýja skipið lík­lega sækja nafn sitt úr nor­rænni goða­fræði. Ás­laug hefur lagt til að skipið hljóti nafnið Freyja en Gæslan tekur þó endan­lega á­kvörðun. „Ég held að það væri afar skemmti­legt og öflugt að Freyja og Þór stæðu vörð um okkur hér.“

Að sögn Ás­laugar eru vonir bundnar við að hægt verði að fara strax í að leita að besta kostinum og er þá verið að skoða skip í löndunum í kringum Ís­land sem hafa verið notuð í styttri tíma. „Við bindum vonir við það að skipið verði komið hér til hafnar í haust eða fyrir næsta vetur,“ segir Ás­laug.

Að­spurð um það hvort Þór muni einn geta sinnt þeim verk­efnum sem geta komið upp þangað til nýtt skip kemur segir Ás­laug að hún voni að svo sé. „Þetta er auð­vitað öflugt skip sem hefur reynst vel og að mati Gæslunnar þá er þetta á­sættan­leg staða.“