Innlent

Örninn í Hús­dýra­garðinum svæfður: „Ég skil þetta vel“

Snorri Rafnsson, Vargurinn, gómaði fuglinn í nóvemberlok. Hann virtist braggast vel til að byrja með en svo dró af honum.

Snorri hélt örninn í nokkra daga eftir að hann fangaði fuglinn, en flutti hann síðan í Húsdýragarðinn. Fréttablaðið/Stefán Hilmarsson

Haförninn sem Snorri Rafnsson, Vargurinn, fangaði á Snæfellsnesi þann 30. nóvember í fyrra er dauður. Frá þessu greinir Snorri á Snapchat. Kristinn Haukur Skarphéðinsson, fuglafræðingur hjá Náttúrufræðistofnun Íslands, staðfestir þetta í samtali við Fréttablaðið. Hann svæfði fuglinn skömmu fyrir mánaðamótin.

Kristinn segir að fuglinn hafi aldrei flogið eftir að hann kom í garðinn. Hann hafi í apríl verið orðinn mjög máttfarinn og ekki útlit fyrir að hann myndi braggast. „Ef það er ekki hægt að sleppa fuglum þá eru þeir svæfðir,“ segir hann. Nokkrar tilraunir hafi verið gerðar til að sleppa honum en undir það síðasta stóð hann varla í lappirnar.

Örninn leit nokkuð vel út þegar Fréttablaðið myndaði hann í febrúar. Síðan seig á ógæfuhliðina. Fréttablaðið/Anton

Fuglinn verður krufinn síðar í sumar, eða í haust, og mögulega stoppaður upp. Engin ákvörðun hefur þó verið tekin um það. „Ernir eru settir upp nema fyrir opinber söfn. Hann verður settur í röntgen,“ segir Kristinn en ekki liggur fyrir hvað amaði að fuglinum. 

Hann segir hugsanlegt að örninn hafi orðið fyrir bíl en Snorri greindi frá frásögn af slíku atviki þegar hann fangaði hann í nóvember. Það er þó ekki staðfest.

„Ég skil þetta vel. Ég er ánægður með að hafa fengið að upplifa þetta með þessum haferni,“ segir Snorri á Snapchat nú í morgun. „Við vissum að hann ætti ekki mikinn séns.“

Athugasemdir

Auglýsing
Auglýsing

Tengdar fréttir

Innlent

​„Eigum ekki að stilla fólki upp á móti hvert öðru“

Kjaramál

Bíl­stjórar utan stéttar­fé­laga munu aka - þvert á full­yrðingar Eflingar

Innlent

Ragnar Þór tekur við af Guðbrandi hjá LÍV

Auglýsing

Nýjast

Karadzic dæmdur í lífstíðarfangelsi

Sjöunda mis­linga­smitið stað­fest

Pókerspilarar hvattir til að vera á varðbergi

Spyr hvað ríkis­stjórnin borgar fyrir aug­lýsingar á Face­book

Ekki Astana heldur Nur­sultan

Ketó-óðir Ís­lendingar sólgnir í sviða­sultu

Auglýsing