Mercedes-Benz sýndi hugmyndaútgáfu bílsins í Frankfurt árið 2017 og mikil eftirvænting hefur ríkt eftir komu bílsins enda er hann í stærðarf lokki sem nýtur mikilla vinsælda um allan heim. Nýr EQA er hreinn raf bíll með allt að 426 km drægi samkævmt WLTP staðli og engan útblástur. Bíllinn er búinn 66,5 kW rafhlöðu sem skilar honum 190 hestöflum og hröðunin úr kyrrstöðu í hundraðið er  rétt rúmar átta sekúndur ef miðað er við EQA 250. Hámarkstog EQA 250 er 375 newtonmetrar. Von er á allt að 285 hestafla útfærslu sem er aðeins 5,5 sekúndur úr kyrrstöðu í hundraðið. EQA kemur fyrst um sinn einungis framdrifinn en verður í boði fjórhjóladrifinn nú strax í sumar.

EQA er byggður á hinum nýja MFA2 undirvagni frá MercedesBenz sem verður einnig notaður í EQB og fleiri raf bílum sem EQdeild Mercedes-Benz hannar. EQA verður búinn ýmsum búnaði og hönnun sem er í EQC, fyrsta rafsportjeppa Mercedes-Benz. Má þar nefna LED-línu á fram- og afturljósum bílsins og sportlegt grillið að framan. Í innanrýminu er stafrænt stjórnrýmið afar nútímalegt. EQA er búinn MBUX-margmiðlunarkerfinu og háskerpuskjá í breiðtjaldsmælaborði bílsins. Þá er bíllinn í boði með nýju Electric Intelligence leiðsögukerfi. Hægt er að hlaða bílinn allt að 80% á 30 mínútum í hraðhleðslu en það tekur um 5 klukkustundir og 45 mínútur að fullhlaða í venjulegri heimahleðslustöð. Von er á EQA hingað til lands í lok febrúar samkvæmt upplýsingum frá Öskju, umboðsaðila Mercedes-Benz á Íslandi og er sala þegar hafin á bílnum. Verð á EQA er frá 6.790.000 kr.