Nýjar reglur um samkomutakmarkanir tóku gildi á miðnætti og verða til 17. september.

Hámarksfjöldi í sama rými eru 200 manns með ákveðnum takmörkunum, bæði í opinberu rými og í einkarými, úti og inni.

Frá og með 3. september verður heimilt að hafa allt að 500 manns í sama rými á viðburðum að uppfylltum viðbótarskilyrðum, að sýna neikvæðri niðurstöðu úr hraðprófi sem má ekki vera eldra en 48 klukkustunda, og athuga verður að ekki er um sjálfspróf að ræða.

Fjöldatakmörkunin gildi ekki um almenningssamgöngur, hópbifreiðar, innanlandsflug, farþegaferjur og störf viðbragðsaðila.

Tryggja þarf eins metra nálægðarmörk á milli fólks sem er ekki í nánum tengslum. Þá er heimilit að falla eins metrar regluna á athöfnum þar sem gestir sitja í sæti með andlitsgrímu.

Þetta kemur fram á vef Covid.is, upplýsingasíðu almannavarna og landlæknis.

Ýmis starfsemi

Verslanir mega taka á móti 200 viðskiptavinum svo lengi sem hægt sé að tryggja að minnsta kosti 1 metra á milli þeirra sem eru ekki í nánum tengslum.

Sviðslistir, bíósýningar og aðrir menningarviðburðir hafa heimild til að hafa allt að 200 manns á sviði, þ.e. á æfingum og sýningum. Heimilt er að taka á móti allt að 200 sitjandi gestum í hvert rými og er þeim skylt að nota andlitsgrímu innandyra.

Við athafnir trú- og lífskoðunarfélaga mega allt að 200 gestir vera viðstaddir og einnig í erfidrykkjum, fermingarveislum og sambærilegum viðburðum..

Veitingastaðir þar sem heimilaðar eru áfengisveitingar mega hafa opið til kl. 23 alla daga vikunnar með að hámarki 200 gesti í rými og 1 metra nálægðarmörkum. Allir gestir skulu skráðir á nafn, kennitölu og símanúmer. Vínveitingar skal bera til sitjandi viðskiptavina. Allir gestir þurfa að hafa yfirgefið staðinn kl. 00.00.

Skemmtistaðir og krár mega hafa opið til kl. 23 alla daga vikunnar með að hámarki 200 gesti í rými. Vínveitingar skal bera til sitjandi viðskiptavina. Allir gestir skulu skráðir á nafn, kennitölu og símanúmer. Allir gestir þurfa að hafa yfirgefið staðinn kl. 00.00.

Þó er heimilt að halda einkasamkvæmi á veitingastöðum þar sem heimilaðar eru áfengisveitingar lengur en til miðnættis, að því gefnu að allir gestir séu skráðir og ekki fleiri í heildina en 200.

Sundlaugar og baðstaðir eru opnir fyrir leyfilegan hámarksfjölda.

Heilsu- og líkamsræktarstöðvar eru opnar fyrir leyfilegan hámarksfjölda gesta. Búnað skal sótthreinsa milli notenda og allir notendur skráðir. Mælt er með notkun andlitsgríma í sameiginlegum rýmum. Tryggja skal loftræstingu og góðan aðgang sótthreinsiefnum fyrir hendur og tæki.

Tjaldsvæði og hjólhýsasvæði mega taka á móti 200 manns í hverju sóttvarnarými. Börn fædd árið 2016 og síðar eru ekki talin með. Sóttvarnarými getur verið innan- sem utandyra.Nálægðarmörk er 1 metri milli ótengdra aðila en annars grímuskylda. Takmarka þarf samneyti á milli aðskildra ferðahópa eins og unnt er.

Söfn mega taka á móti leyfilegum hámarksfjölda gesta en þó ekki fleiri en 200 í hvert rými.

Ekki er heimilt að veita tímabundið leyfi fyrir skemmtunum svo sem tónleikum, dansleikjum, brennum eða öðrum viðburðum sem ætla má að dragi að sér hóp fólks eftir kl 23.

Íþróttastarf á vegum ÍSÍ

Íþróttir inni og úti, jafnt barna sem fullorðinna, eru heimilar. Hámarksfjöldi í hverju hólfi eru 200 manns. Gætt skal að sóttvörnum og sameiginleg áhöld sótthreinsuð eftir notkun og þess gætt að loftræsting sé í lagi og loftað út reglulega.

Íþróttakeppnir barna og fullorðinna eru heimilar og leyfilegt að taka á móti allt að 200 sitjandi gestum og er þeim skylt að nota andlitsgrímu innandyra.

Vinnustaðir, verslanir, opinberar byggingar og þjónusta

Tryggja þarf 1 metra nálægðarmörk milli einstaklinga í sama rými og viðeigandi hámarksfjölda. Enginn samgangur má vera á milli rýma.