Elísabet II, drottning Bretlands, er látin. Þetta var tilkynnt síðdegis. Nánustu ættingjar drottningar héldu til Balmoral kastala í Skotlandi í morgun til að vera hjá þjóðhöfðingjanum. Við fjöllum nánar um andlátið.

Þingkona Pírata segir það alrangt að stór hluti hælisleitenda misnoti kerfið hér á landi. Ummæli dómsmálaráðherra í þá veru ali á fordómum og það sé alvarlegt. Frumvarp um breytingar á útlendingalögum verður lagt fram í fimmta sinn þegar þing kemur saman í næstu viku.

Ómannaðri eldflaug verður skotið á loft frá Langanesi í september eða október á vegum breskra aðila.  Öll leyfi hafa fengist hér á landi fyrir eldflaugarskotinu.  Mikið sjónarspil segir sveitarstjórinn.

Hjólabogi á umferðareyju við Hafnartorg hefur vakið athygli á samfélagsmiðlum. Sindri Freyr Ásgeirsson, formaður Samtaka um bíllausan lífsstíl, prófaði bogann.