Veðurstofan spáir norðaustan 5-13 m/s í dag, hvassast vestan- og norðvestantil. Það á að vera skýjað og rigning eða súld austanlands en bjart með köflum og þurrt að kalla sunnan- og vestanlands, fyrir utan smá síðdegisskúrir.

Hiti verður víða 12 til 20 stig, en 8 til 12 stig við austurströndina.

Í hugleiðingum veðurfræðings kemur fram að helgarveðrið líti vel út á Suður- og Vesturlandi. Það verði bjart veður og hiti 13 til 18 stig, en það séu samt líkur á ágætis síðdegisskúrum á laugardaginn. Fyrir austan er útlit fyrir að áfram verði skýjað og lítilsháttar úrkoma með hita 7 til 13 stig.

Veðurhorfur á landinu næstu daga

Á laugardag:
Austan og norðaustan 5-10 m/s. Súld suðaustantil, en síðdegisskúrir um sunnanvert landið, annars þurrt að mestu. Hiti 7 til 18 stig, hlýjast suðvestanlands.

Á sunnudag:
Austanátt og dálítil væta, en þurrt að mestu um landið norðvestanvert. Hiti breytist lítið.

Á mánudag:
Norðaustanátt og lítilsháttar rigning eða súld austantil, skúrir um landið SV-vert, en yfirleitt þurrt norðvestantil á landinu. Áfram svipað hitastig.

Á þriðjudag:
Norðaustlæg átt og úrkomulítið, en síðdegisskúrir á Suðurlandi. Hiti frá 8 til 16 stig, hlýjast á Vesturlandi.

Á miðvikudag:
Norðlæg eða breytileg átt og dálítil væta um sunnanvert landið, en annars þurrt að kalla. Hiti 6 til 15 stig, hlýjast vestantil.

Á fimmtudag:
Útilit fyri hæga breytilega eða austlæga átt, bjart veður og svipaðan hita.