Lög­reglan á Suður­landi birti í dag nöfn þeirra sem létust í flug­slysinu við Múla­kot síðasta laugar­dags­kvöld. Nöfn þeirra eru Ægir Ib Wess­man fæddur árið 1963, eigin­kona hans, Ellen Dahl Wess­man fædd árið 1964 og sonur þeirra Jón Emil Wess­man fæddur 1998.

Annar sonur þeirra og kærasta hans, ung kona, voru flutt mikið slösuð á sjúkra­hús í Reykja­vík eftir slysið og er líðan þeirra sögð stöðug.

Tildrög slyssins í rannsókn

Tildrög slyssins eru í rannsókn hjá rannsóknardeild lögreglustjórans á Suðurlandi sem nýtur aðstoðar bæði rannsóknarnefndar samgönguslysa og tæknideildar lögreglunnar á höfuðborgarsvæðinu. Búist er við að rannsókn taki einhverjar vikur.