Innlent

Hand­tekinn eftir slysið á Reykja­nes­braut

Maður á fertugsaldri er í haldi lögreglu vegna fjöldaáreksturs á Reykjanesbraut í morgun. Hann er grunaður um að keyra undir áhrifum fíkniefna.

Mikill viðbúnaður var á vettvangi. Reykjanesbrautin var lokuð í tvo og hálfan tíma í morgun Fréttablaðið/Sigtryggur Ari

Karlmaður á fertugsaldri er í haldi lögreglunnar grunaður um að hafa valdið tíu bíla árekstri á Reykjanesbraut í morgun. Maðurinn er jafnframt grunaður um akstur undir áhrifum fíkniefna og hefur lögregla óskað eftir upplýsingum um svarta Suzuki Swift bifreið vegna rannsóknar málsins.

Þetta kemur fram í tilkynningu frá lögreglu, þar sem auglýst er eftir myndskeiði af aksturslagi bílsins á Reykjanesbraut fyrir klukkan átta í morgun. 

„Lögreglu bárust nokkrar tilkynningar um háskalegt aksturslag ökumanns bílsins skömmu fyrir slysi,“ segir í tilkynningu á Facebook en í samtali við Fréttablaðið segir Skúli Jónsson aðstoðaryfirlögregluþjónn það hafa verið „mildi að ekki fór verr“.

Lögregla fékk nokkrar tilkynningar á áttunda tímanum í morgun þar sem talað var um ofsaakstur bílsins og vítaverðan framúrakstur. 

Stuttu seinna mætti lögreglan bílnum á Reykjanesbraut ofan við hringtorg við Lækjargötu í Hafnafirði þar sem bíllinn var á fleygiferð. Hafði bílnum verið ekið á milli akreina á Reykjanesbrautinni og þar ekið á fjölda bíla. 

Einn var fluttur til aðhlynningar vegna minniháttar meiðsla, en bíll hans fór út af veginum og kastaðist til eftir árekstur við umrædda bifreið. Fjórir bílar voru fluttir af vettvangi með dráttarbíl, en fjöldi annarra kunna að hafa skemmst.

Lögreglan óskar eftir því að ná tali af hverjum þeim sem varð fyrir tjóni en hefur ekki þegar rætt við lögreglu. Eins óskar lögreglan eftir upptökum af aksturslagi mannsins. 

Athugasemdir

Auglýsing
Auglýsing

Tengdar fréttir

Innlent

Ferðamaður fékk rúmlega 216 þúsund króna sekt

Innlent

Búið að opna yfir Kjöl

Innlent

Ofurölvi og velti bílnum í Ártúnsbrekku

Auglýsing

Nýjast

Erlent

Segir ómannúðlegt að aðskilja börn og foreldra

Kólumbía

Iván Duque kjörinn forseti Kólumbíu

Efnahagsmál

Íbúðafjárfesting er farin að taka við sér

Dómsmál

Refsing eiganda Buy.is milduð

Samfélag

Varð HM-sérfræðingur á þremur korterum

Stjórnmál

Lýsti áhyggjum af umræðunni á samfélagsmiðlum

Auglýsing