Lög­regla var kölluð til að að­stoða starfs­menn mat­vöru­verslunar í Vestur­bæ snemma í morgun þegar maður neitaði að bera grímu í búðinni. Eins og flestir vita er nú grímu­skylda í öllum verslunum landsins, eftir til­mælum sótt­varna­læknis.

At­vikið varð um klukkan hálf 6 í morgun. Í til­kynningu frá lög­reglunni segir að maðurinn hafi neitað að bera grímu í versluninni. Hann hafi svo hent til hlutum í búðinni og hrint starfs­manni. Lög­reglan hand­tók manninn en lét hann lausan að lokinni skýrslu­töku.

Svipað at­vik kom upp Í Kópa­vogi rétt fyrir klukkan eitt í dag. Lög­reglu barst þá til­kynning um ölvaðan og æstan aðila í verslun sem neitaði að hlýða grímu­skyldu. Lög­reglan segist ekki gefa frekari upp­lýsingar um það mál að svo stöddu.

Loks segir lög­regla að nokkur fjöldi til­kynninga um hugsan­leg brot á sótt­vörnum hafi borist í dag líkt og síðustu daga. Meint brotin snúa flest að því að verslanir séu ekki að hlýða fyrir­mælum um há­marks­fjölda í rými eða þá að grímu­skyldu sé þar fylgt eftir.