Lögreglan á Suður-Sjálandi í Danmörku hefur borið kennsl fjölskyldu sem fannst látin í Præstø fyrr í október. Við rannsókn málsins kom í ljós að maðurinn hefði myrt konu sína og ellefu mánaða barn áður en hann framdi sjálfur sjálfsvíg.
Í tilkynningu frá lögreglunni á Suður-Sjálandi segir að þrítug kona og ellefu mánaða dóttir hennar hafi fundist látnar í Præstø þann 18. október síðastliðinn. Nokkrum dögum fyrr, þann 10. október, fannst maðurinn en hann var 49 ára.
Lögreglan bar kennsl á lík fólksins og komst að því að um væri að ræða foreldra og sameiginlegt barn þeirra.
„Eftir ítarlega og mjög umfangsmikla rannsókn hefur lögreglan á Suður-Sjálandi skýrar vísbendingar um að 49 ára gamli maðurinn hafi myrt konu sína og ellefu mánaða stúlku. Hann faldi þær síðan í Næbskoven og framdi sjálfsvíg nokkrum dögum seinna,“ segir í tilkynningu frá lögreglunni.
Lögreglan telur málinu vera lokið, nú þegar heildarmynd er komin á málið, að sögn Rune Dahl Nilsson aðstoðarlögreglustjóra sem réð hefur um rannsókn málsins.
