Mygla greindist í Flataskóla í Garðabæ í rýmum frístundaheimilisins og kennslustofu Tónlistarskóla Garðabæjar og verður starfsemin flutt innan skólans.

Þetta kemur fram í tilkynningu á vef Garðabæjar.

„Í framhaldi af ábendingum um loftgæði í Flataskóla voru tekin sýni í október 2022 og þau send í greiningu. Samkvæmt úttekt verkfræðistofunnar Mannvits lítur húsið almennt út fyrir að vera í góðu ástandi en vísbendingar voru um rakaskemmdir á afmörkuðum svæðum samkvæmt niðurstöðu sýnatöku. Mygla greindist undir gólfdúk á þremur stöðum, í inngangi í frístund, úr eldhúsi í frístund og á gangi í vörumóttöku. Í ryksýnum sem voru tekin er ástæða til að skoða nánar þrjár kennslustofur og einn tengigang.“

Þá kemur einnig fram mun verkfræðistofan Mannvit ráðast í áframhaldandi mælingar á húsnæði skólans til að gæta að fullu öryggi starfsfólks og nemenda. Gert er ráð fyrir að niðurstöður þeirra mælinga liggi fyrir fljótlega eftir áramót.