Daníel Gunnars­son, ís­lenskur maður, sem er grunaður um að hafa framið hrotta­legt morð í Banda­ríkjunum, hefur verið úr­skurðaður hæfur til að svara til saka í Kern sýslu í Kali­forníu.

Fjallað var um mál Daníels í ís­lenskum fjöl­miðlum í ágúst í fyrra en þá hafði dómari kveðið upp úr­skurð þess efnis að Daníel væri ekki hæfur til að réttað yrði yfir honum og að hann skyldi gangast undir með­ferð hjá geð­lækni á við­eig­andi stofnun þangað til hann yrði metinn hæfur.

Í banda­ríska svæðis­miðlinum Kget.net var vitnað í verjanda Daníels sem sagði á­stand hans slæmt, hann væri í raun „ekki mót­tæki­legur fyrir neinu.“

Orðinn hæfur til að svara til saka eftir meðferð hjá geðlækni

Nú hefur hins vegar verið boðað til fyrir­töku í máli Daníels síðar í þessum mánuði.

Frétta­blaðið ræddi við sak­sóknarann málinu, Joseph A. Kinzel, vara­héraðs­sak­sóknara Kern-sýslu, sem segir nýjan úr­skurð hafa gengið í málinu í mars síðast­liðnum og Daníel metinn hæfur til að svara til saka.

Joseph A. Kinzel, vara­héraðs­sak­sóknara Kern-sýslu, segir að eftir meðferð hjá geðlækni sé Daníel nú hæfur til að svara til saka.

Kinzel segir matið lúta að því hvort Daníel geti skilið sakirnar sem honum eru gefnar hendur og hvort hann sé fær um að taka þátt í máls­vörn sinni.

Til þess að úr­skurða um hæfni ein­stak­lings í svona málum sé leitað til sér­fræði­lækna sem annist með­ferð við­komandi og geri dóms­yfir­völdum við­vart þegar þeir telji á­stand skjól­stæðingsins nógu gott til að með­ferð málsins geti haldið á­fram. Þann 22. mars mat dómari gögn sér­fræðingana svo að Daníel væri orðinn hæfur og því gætu mála­ferli hafist.

Fórnar­lambið fyrr­verandi bekkjar­systir Daníels

Daníel á ís­lenskan föður og tékk­neska móður, en flutti ungur með móður sinni til Kali­forníu-fylkis, nánar til­tekið til borgarinnar Rid­gecrest í Kern sýslu.

Daníel er ­kærður fyrir morð af yfir­lögðu ráði og lim­lestingu á líki. Hann dvelur nú í Ler­do-fangelsinu, sem er gæslu­varð­halds­fangelsi í Kali­forníu. Þetta kemur fram í gögnum sem Frétta­blaðið hefur undir höndum.

Morðið sem Daníel hefur verið ­kærður fyrir var í borginni Rid­gecrest, sem er á­líka fjöl­menn og Hafnar­fjörður, en í­búa­fjöldi er tæp­lega þrjá­tíu þúsund.

Daníel og fórnar­lambið, Kati­e Pham, voru bekkjar­syst­kyn og voru rúm­lega tví­tug þegar morðið var framið í maí í fyrra. Daníel var hand­tekinn á vett­vangi morðsins, í bíl­skúr við heimili stjúp­föður síns. Í mál­skjölum kemur fram að Daníel hafi verið blóðugur á vett­vangi þegar lög­regla kom á vett­vang og er hann sagður hafa sagt „ég drap hana“ við lög­reglu­menn sem komu á vett­vang.

Katie Pham var bekkjarsystir Daníels. Samkvæmt gögnum málsins sagði hann stjúpa sínum frá því, sama dag og Katie var myrt, að ástarsambandi milli þeirra væri lokið.

Á­verkar á líkinu voru miklir, al­var­legir á­verkar aftan á höfði og fjöldi stungu­sára um allan líkama hennar. Sam­kvæmt síðari lið kærunnar á hendur Daníel mun hann hafa reynt að búta líkið niður. Morð­vopnið er talið vera ís­nál að því er fram kemur í máls­gögnum.

Svæðis­miðlar hafa einnig greint frá því að stjúp­faðir Daníels hafi sagt lög­reglu að Daníel og Kati­e Pham hafi átt í stuttu ástar­sam­bandi en að Daníel hafi trúað honum fyrir því sama dag og morðið var framið að Pham hafi slitið sam­bandinu. Áður­nefndur svæði­smiðill­K­get.net, hefur leitt líkur að því að Daníel hafi myrt Pham vegna þess að hún hafði ekki á­huga á að eiga í al­var­legu ástar­sam­bandi við hann.

Hand­tekinn blóðugur á vett­vangi en neitar sök

Mál Daníels verður tekið fyrir þann 22. júní, en í þeirri fyrir­töku þarf á­kæru­valdið að leggja fram þau sönnunar­gögn sem aflað hefur verið í málinu. Í kjöl­farið tekur dómari af­stöðu til þess hvort þau séu nægi­lega sterk til að málinu verði haldið á­fram eða hvort það verði látið niður falla.

Þann 21. mars, daginn fyrir hina form­legu fyrir­töku, fer fram undir­búnings­þing­hald, til að kanna mögu­leika á sam­komu­lagi, það er hvort Daníel verði boðin vægari refsing gegn játningu í málinu. Náist ekki slíkt sam­komu­lag verða sönnunar­gögn málsins borin fyrir dómara í hinni form­legu fyrir­töku. Telji dómari sönnunar­gögnin gegn Daníel full­nægjandi, má búast við því að réttar­höldin yfir Daníel fari fram um það bil sex­tíu dögum eftir fyrir­tökuna, eða seinni­partinn í ágúst.

Að­spurður segir Kinzel að Daníel eigi rétt á því að málið verði flutt fyrir kvið­dómi. Verði réttað í málinu séu allar líkur á að kvið­dómur á­kvarði um sekt eða sýknu Daníels í málinu.

Dauða­refsingar eru ekki heimilar í Kali­forníu­fylki en búast má við því að gerð verði krafa um lífs­tíðar­fangelsi, verði Daníel fundinn sekur um morðið.

Kinzel segist ekki mega greina frá því hvort Daníel hafi játað verknaðinn fyrir lög­reglu, enn hann stað­festir hins vegar við Frétta­blaðið að Daníel hafi neitað sök fyrir dómi.