Að minnsta kosti sjö manns létu lífið þegar hluti af kletti hrundi á báta á stöðuvatni í borginni Minas Gerais í suðausturhluta Brasilíu í gær.

BBC greinir frá málinu.

Hrunið átti sér stað um ellefu leytið í gær að staðartíma. Mikil rigning hefur verið á svæðinu sem gerir klettana viðkvæmari fyrir hruni.

Mikill fjöldi varð undir bjarghruninu og er þriggja saknað og yfir þrjátíu manns eru slasaðir. Samkvæmt heimildum BBC virðist að minnsta kosti einn bátur hafa sokkið.

Myndband hefur verið birt af hruni klettsins sem sýnir augnablikið þegar hann losnar og fjöldi manns reynir að hrópa og vara fólk við.