Minnast Svavars: „Fallinn er frá mikill stjórn­mála­skörungur“

Svavars Gests­sonar, fyrr­verandi Al­þingis­manns, ráð­herra, rit­stjóra og sendi­herra, hefur verið minnst víða í dag. Frétta­blaðið hefur tekið saman nokkrar færslur af sam­fé­lags­miðlum þar sem fyrr­verandi ráð­herrans er minnst.

Meðal þeirra er Katrín Jakobs­dóttir, for­sætis­ráð­herra. Hún rifjar það upp að hún hafi kynnst Svavari sem pabba Svan­dísar. „En mundi auð­vitað eftir honum frá fyrri tíð; hitti hann fyrst á fram­boðs­fundi í Mennta­skólanum við Sund vorið 1995. Það var engin spurning í mínum huga eftir þann fund hvern ég myndi kjósa þá.

Nú er þessi stjórn­mála­skörungur fallinn frá eftir strembna bana­legu. En fyrst og fremst er fallinn frá maður sem skildi eftir sig djúp spor í hugum okkar allra sem þekktum hann og nálgaðist til­veruna af á­huga og ást­ríðu allt til loka,“ skrifar Katrín.

Fleiri stjórn­mála­menn líkt og Helga Vala Helga­dóttir og Líf Magneu­dóttir minnast Svavars einnig. „Svavars verður sárt saknað enda var hann lit­ríkur, ráða­góður og fróður maður og gjaf­mildur á góðu ráðin sín,“ skrifar Líf og segir alltaf hafa verið stutt í spaug og glettni hjá Svavari. Helga Vala segir að fallinn sé frá mikill stjórn­mála­skörungur.

Þá minnast fleiri sam­fé­lags­rýnar Svavars með hlýju, líkt og þeir Egill Helga­son og Stefán Páls­son. Stefán rifjar upp sín fyrstu kynni af Svavari á fjölda­fundi Al­þýðu­banda­lagsins þar sem Svavar gaf sig á tal við Stefán.

„Það var sannar­lega ekkert sjálf­sagt við að gamall ráð­herra gæfi sér tíma til að spjalla við álku­legan táning á kaffifundi, hvað þá á fyrstu mánuðum nýs kjör­tíma­bils. En góðir pólitíkusar kveikja á svona löguðu og eru alltaf á tánum að efla hreyfinguna.“

Fleiri færslur þar sem Svavars er minnst má sjá hér að neðan.