Miklar skerðingar verða á leið 5 í Árbæ og Norðlingaholti vegna vegaframkvæmda í dag.

Frá kukkan níu mun Selásbraut og allt Norðlingaholtið lokast fyrir Strætó.

Biðstöðin Hraunsás verður því endastöðin fyrir leið 5 yfir stóran hluta dagsins. Leggurinn eftir Hraunsás verður lokaður fyrir leið 5 í dag.

Ekki liggur fyrir hvenær vegavinnan klárast í dag, en stjórnstöð Strætó mun tilkynna á heimasíðu sinni og á Twitter þegar akstur á leið 5 kemst í eðlilegt horf.