Lögreglan og slökkviliðið á Akureyri fengu tilkynningu um eldsvoða í íbúðarhúsi við Norðurgötu á sjötta tímanum í nótt. Að sögn lögreglu var strax ljóst að um mikinn eld væri að ræða þar sem húsið er gamalt timburhús.

Óstaðfest hvort einhver hafi verið inni

Í húsinu eru 3 íbúðir og náðu íbúar tveggja þeirra að koma sér út en ekki hefur tekist að staðfesta það hvort að einhver hafi verið inni í þeirri íbúð sem eldurinn kom upp í. Slökkvistarf er enn í gangi á vettvangi

Erfiðlega hefur gengið að ráða niðurlögum eldsins og leggur talsverðan reyk yfir hluta Oddeyrarinnar. Íbúar á svæðinu er beðnir um að loka gluggum hjá sér á meðan ástandið varir.