Tækni

Microsoft ætlar að byggja Edge á Chromium

Microsoft hefur tilkynnt um miklar breytingar á vafra sínum, Edge. Mun framvegis vera keyrður á opnum hugbúnaði, upprunalega úr smiðju Google, til að bæta samþýðanleika við vefsíður.

Það notar ekkert rosalega stór hluti mannkyns Edge. Nordicphotos/AFP

Google mun ná enn betri stöðu á vefvaframarkaði eftir að Microsoft tilkynnti um í vikunni að nýi vafri fyrirtækisins, Microsoft Edge, yrðu endurgerður frá grunni á Chromium-vélinni, opnum hugbúnaði frá Google. Eins og stendur hefur Chrome, sem Chromium var gerð fyrir, 61,77 prósenta markaðshlutdeild sé litið til tölva, snjallsíma, spjaldtölva og leikjatölva. Edge hefur hins vegar ekki nema 2,15 prósent sem er meira að segja minna en Internet Explorer, gamli vafri Microsoft sem eitt sinn var sá vinsælasti í heimi.

Microsoft sagði í tilkynningu á vef sínum að þessi ákvörðun hefði verið tekin til þess að bæta upplifun notenda af vafranum og til þess að auðvelda fyrirtækinu að bjóða notendum Mac OS stýrikerfisins upp á Edge.

Bættur samþýðanleiki

Í ljósi þessarar ráðandi stöðu Google Chrome á vaframarkaði er sá vafri efst í huga flestra vefhönnuða og forritara þegar vefsíður eru settar saman. Það gerir það að verkum að margar síður líta verr út, eða virka hreinlega verr, fyrir notendur vafra á borð við Edge.

„Notendur Microsoft Edge munu sjá bættan samþýðanleika við allar vefsíður og fá betri rafhlöðuendingu á alls konar Windows-tækjum,“ var haft eftir Joe Belfiore, eins varaforseta Microsoft, í tilkynningunni.

Tæplega er hægt að segja að Edge-verkefnið hafi gengið vonum framar. Sérstaklega með tölur um markaðshlutdeild í huga. Microsoft hefur gripið til ýmissra ráða til þess að hvetja neytendur til þess að prófa vafrann. Fréttablaðið fjallaði síðast um þessar hvatningar, sem tækniáhugamenn túlka frekar sem ýtni, í september.

Þrýstingur frá Microsoft

Sem dæmi um þessa hvatningu Microsoft til Edge-notkunar má nefna það að stillingar um sjálfgefinn vafra hafa átt það til að endurstillast yfir á Edge eftir stýrikerfisuppfærslur, auglýsingar á lásskjám og í möppum og svo venjulegar auglýsingaherferðir á netinu og í fjölmiðlum.

Blaðamaður sló inn leitarorðið „Chrome“ inn í Bing, leitarvél Microsoft, í Edge-vafranum. Fyrir ofan leitarniðurstöðurnar birtist stór borði sem á stóð „Promoted by Microsoft“. Í borðanum sjálfum stóð svo að Edge væri hraðvirkari og öruggari vafri fyrir Windows 10. Blaðamaður fékk sömuleiðis upplýsingar um að Edge væri sparneytnari á rafhlöðuna og hraðvirkari. Þær fullyrðingar hafa tæknibloggarar sýnt fram á að standist ekki alfarið.

Athugasemdir

Auglýsing
Auglýsing

Tengdar fréttir

Tækni

Facebook veitti aðgang að óbirtum myndum

Tækni

Soulja Boy selur vafasamar leikjatölvur

Tækni

Óánægja með klámbann Tumblr

Auglýsing

Nýjast

Á­kvörðun um Kapla­krikaknatt­hús í hendur Guð­mundar

Orku­mála­stjóri um Kona fer í stríð: „Fólk sem hatar raf­magn“

Arn­þrúður: Reynir þarf að þola um­ræðuna

Há­marks­greiðslur í fæðingar­or­lofi hækka

Póstberi kærir eftir að hundur beit hann í magann

Tveir á slysa­deild eftir bíl­slys á Suður­lands­vegi

Auglýsing