Alls voru 456 viðvaranir gefnar út frá Veðurstofu Íslands á árinu 2022. Gular viðvaranir voru 372 talsins, appelsínugular 74 og rauðar viðvaranir voru 10.
Það kom fram í tilkynningu frá Veðurstofu Íslands í gærkvöldi en frá því að nýtt viðvörunarkerfi var tekið í notkun á Veðurstofu Íslands í nóvember 2017 hafa aldrei verið gefnar út jafn margar appelsínugular og rauðar viðvaranir á einu ári.
Dreifing viðvarananna var misjöfn eftir spásvæðum en flestar þeirra voru gefnar út á Suðurlandi og Suðausturlandi. Fæstar voru gefnar út á Austurlandi að Glettingi.
Þær tíu rauðar viðvaranir sem voru gefnar út dreifðust á sjö spásvæði en alls eru svæðin tíu.
Þann 7. febrúar 2022 voru í gildi rauðar viðvaranir fyrir höfuðborgarsvæðið, Faxaflóa og á Suðurland vegna hríðarveðurs.
21. febrúar 2022 voru í gildi rauðar viðvaranir á sömu spásvæðum vegna vinds.
Rauð viðvörun vegna vinds var í gildi fyrir Austfirði 25. september 2022, en 9. október voru rauðar viðvaranir í gildi fyrir Norðurland eystra og Austurland að Glettingi vegna hríðar, en á Suðausturlandi vegna vinds.
